2 Samuel 18:19 - De Beebaa Dabu

¹⁹ Gai Ahimaaz, tama daane a Zadok, ne hai ange, “Au ga savini nei e hano e tala ange gi de hodooligi, bolo Tagi Maolunga gu hagaola mai ia i ono hagadaumee.”

2 Samuel 18:19 Referans Kwoze

2 Samuel 15:36

Gai luaalaau dama daane e nnoho hogi madali gilaau, go Ahimaaz, tama daane a Zadok, ma Jonathan, tama daane a Abiathar. Gai goodou ga hai gilaau gi loomai gi daalaa mai mee alodahi oodou e langona.”

2 Samuel 18:31

Gai tilo, taane Ethiopia gu dae mai hogi, ga hai ange, “Au gu gaamai hogi dahi longo danuaa ange gi dogu dangada aamua, go de hodooligi! Anailaa nei gai Tagi Maolunga gu hagaola goe mai i gilaadeu alodahi e hai baasi adu gi de goe.”

Romans 12:19

Ogu soa hagamogomogo, goodou gi dee suuia ange de baubau, aagai dugua ange gi hai hegau de bole ⌊o de Maadua⌋, go hiidinga gu sisi e hai ange: “Go au e suuia ange de baubau; au e sui ange naa donu,” go Tagi Maolunga e hagadaba.

Psalm 10:18

Go koe e hagamodu ina dagodo o denga gauligi e deai olaadeu damana ma de gau e vaivai haia, gai gi dee hagamadagu ina ai e tangada baubau gilaadeu.

Psalm 10:14

Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Psalm 9:4

Gai koe gu hagamodu bolo niiogu tonu; koe gu noho i honga doo nohoanga e hagamodu ai muna i de heohi.

Psalm 7:6

Tagi Maolunga, hidi age i doo bole; hidi age hai baasi ange gi ogu hagadaumee. Alahage balea mai au; koe gi hagasula ina de hagamodu muna heohi.

2 Samuel 18:23

Gai tama daane laa ne hai ange, “E dee hilihili donu be ni aha e hai, gai au e lodo e savini.” Gai a Joab ga hai ange gi de ia, “Savini.” Gai Ahimaaz ga savini i de haiava e hano laa i de mommee soe, gai ia ne savini ga ui i taane Ethiopia.

2 Samuel 17:17

Gai Jonathan ma Ahimaaz e nnoho ma e tali i de vai go En Rogel, gi dee gidee ai e dangada delaau aahe mai gi de aduhale. Gai dahi damaa hine e hano ma e hagatae ange muna gi gilaau, gai gilaau ga hulo ga tala ange gi de hodooligi go David.

2 Samuel 18:20

Joab ne hai ange gi de ia, “E dee go koe e gaavee de longo ailaa nei; dahi laangi ange gai koe ga kave ai de longo, aagai koe e dee kave donu de longo ailaa nei, go hiidinga tama daane a de hodooligi gu magau.”

Jeremiah 51:31

Dahi dangada adi muna e savini adu naa i dua o de ia ange laa; dahi dangada e gaavee de longo e savini adu naa i dua o de ia ange laa, e hagailoo ange gi de hodooligi o Babylon bolo dono aduhale alodahi gu hagadee kii ina.

2 Samuel 15:27

Gai de hodooligi ne hai ange hogi gi tangada haimeedabu go Zadok, “E aha, koe e dee se daane e gidee mee e loomai? Ahe gi de aduhale i de baba madali dau dama daane go Ahimaaz, ma Jonathan tama daane a Abiathar.