2 Samuel 18:14 - De Beebaa Dabu

¹⁴ Joab ne hai ange, “Au e dee lodo e moumou ogu masavaa e hagallongo ai au muna.” Gai a Joab ga poo e dolu dao podo ga velo ai de hadu manava o Absalom, i de masavaa oona e mouli ai ma e daudau i lalo de oak.

2 Samuel 18:14 Referans Kwoze

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Matthew 12:40

Jonah ne noho i lo te dinae o dahi mamu laumalie i e dolu laangi ma e dolu boo; gai e bei ai hogi, Tama a Tangada e dagodo naa i lalo de gelegele i e dolu laangi ma e dolu boo.

Psalm 45:5

Dao o dau mee hholu e kangi i de tili gi ulu gi lodo o oo hagadaumee, e de hodooligi; gai denga huaahenua gu nnoho i oo lalo.

2 Samuel 18:5

Gai de hodooligi ne hai ange gi Joab, ma Abishai aama Ittai, “Goodou haia maalie dagu dama go Absalom i ogu hiidinga.” Gai denga daane alodahi ne langona e gilaadeu muna a de hodooligi ne tala ange gi denga dagi i dagodo o Absalom.

2 Samuel 14:30

Gai Absalom ga hai ange gi ono daane hai hegau, “Goodou e gidee de veelengaa barley a Joab i gaogao dagu veelenga? Goodou hulo duungia dana veelenga.” Gai de gau hai hegau o Absalom ne hulo ga dudu de veelenga laa.

Judges 5:31

Tagi Maolunga, oo hagadaumee alodahi gu odi i de maakau! Aagai oo soa alodahi gi bei dagodo de mmahi o de laa i dono masavaa e sobo age ai.” Gai de henua ne nnoho paba i e madahaa ngadau.

Judges 5:26

Ia ne poo dahi laagau hagamakaga o de hale malo, gai dono lima madau ne poo ai dahi haamaa; ia ne tugi honga de lae o Sisera gu bala, ia ne velo honga dono lae ga sao gi tua dono biho.

Judges 4:21

Gai Jael, de bodu o Heber, ga poo mai dahi laagau e hagamakaga ai laa daula o de hale malo, ma dahi haamaa, gai ia ga modimodi adu ga tugi ange de laagau laa gi honga de lae o Sisera, gu sula iho gi muli dono biho, i de masavaa oona e dagodo ai ma e seni tao i kilaa, i hiidinga ia gu dalea. Deelaa ai, Sisera gu magau.

2 Samuel 12:10

Deenei ai, e hanu naa dangada i doo huaabodu e maakau i de gadilaasa ga hano ai, go hiidinga koe ne hagangadi mee au, ga kave de bodu o Uriah, taane Heth, ga hai ai doo bodu.’

2 Samuel 18:15

Gai denga daane dinoangahulu e sabaia goloa hebagi o Joab, ne loomai ga tuu i luu baasi o Absalom ga daa ia gu magau.

2 Samuel 19:1

Gai dahi ne tala ange gi Joab, “Tilo, de hodooligi e dangi ma de hinangalosaa i Absalom.”

2 Samuel 19:11

Gai de hodooligi go David ga aalu ga hai ange gi luu dangada haimeedabu go Zadok ma Abiathar, “Siilia ange gi denga dagi o Judah, ‘Gu aha go goodou ai naa ne hagaodia de aalu mai e hagaahe adu de hodooligi gi dono hale, go hiidinga au gu langona de pasa o Israel alodahi i mee nei?

De Beebaa go Job 20:5

gai de kii o tangada baubau e dee daulooloa donu, gai delaadeu malangilangi se masavaa bodobodo donu huu.

Psalm 37:35

Au ne gidee tangada baubau ma de hagamaatagu, e somo danuaa bei manu lau kohu i dono henua donu.