2 Samuel 17:2 - De Beebaa Dabu

² Au e daea adu naa donu ia, i de masavaa oona e dalea ai ma de baageaa, gai gimaadeu ga hai gi maatagu gilaadeu; gai dangada alodahi madali ia e saavini naa ga hulo. Gai go de hodooligi donu huu aagu e daa gi magau,

2 Samuel 17:2 Referans Kwoze

1 Kings 22:31

Gai de hodooligi o Syria ne hai ange gi denga dagi e dinodolu ma dogolua o denga hada hebagi, “Goodou aude hebagi ange gi hanu dangada gee, e dee hilihili be gilaadeu e baageaa aabe e mmahi, gai go de hodooligi donu huu o Israel oodou e hebagi ange aagena.”

2 Samuel 16:14

Gai de hodooligi ma dangada alodahi madali ia gu daalea i de masavaa olaadeu ne tae ai gi Jordan. Gai ia ne noho ga hagamabu i kilaa.

John 11:50

Goodou tigi tonu ange laa donu bolo e danuaa ange de magau o dahi dangada daudahi e sui ai dangada, i de maakau o de huaahenua alodahi.”

Matthew 26:31

Iesu ne hai ange gi ana dangada agoago, “Aaboo nei gai goodou alodahi e odi naa donu i de tili au, go hiidinga gu sisi e hai ange, ‘Au e daa naa tangada hagaloosi, gai de hagabuulingaa ssiibi e mavaevae saele naa.’

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Matthew 21:38

Aagai ga gidee huu e gilaadeu dana dama, gai gilaadeu ga hagataba, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga.’

Deuteronomy 25:18

Gilaadeu tee maatagu i de Maadua, gai ne hebagi adu gi goodou, i de masavaa oodou ne daalea ai ma de baageaa, gai gilaadeu ne daa dangada e loomai i muli.

2 Samuel 17:1

Gai Ahithophel ne hai ange hogi gi Absalom, “Dugua mai gai au ga hili e 12,000 daane, e hulo gimaadeu e doolohi David aaboo nei.

Nehemiah 4:5

Aude degi ange donu gi mee olaadeu gu haisala ai, aabe gi haolia olaadeu haisala mai i mada luoo mada; go hiidinga gilaadeu gu hagadookaa de gau hagatuu.”