2 Samuel 16:9 - De Beebaa Dabu

⁹ Gai Abishai, tama daane a Zeruiah, ne hai ange gi de hodooligi, “Dogu dangada aamua go de hodooligi, gu aha gu dugu ange ai naa goe de gaaduu magau naa gi hagamalaia ina goe? Dugua mai gai au ga hano e tuu dono ua!”

2 Samuel 16:9 Referans Kwoze

Exodus 22:28

Aude basa hagamalaia i de Maadua aabe go dahi dagi o doo huaadangada.

2 Samuel 9:8

Gai Mephibosheth ga duuduli ga ino gi lalo, ga hai ange, “Gu aha goe gu abodonu mai ai naa gi de au, doo dangada hai hegau, gai au e bei donu dagodo o de gaaduu magau?”

2 Samuel 3:8

Gai Abner gu lili mmao i hiidinga muna a Ish-Bosheth, gai ia ga hai ange, “E aha, au gu bei nei de biho o dahi gaaduu e dau ange gi Judah? Anailaa nei gai au ne abodonu ange gi doo damana go Saul, ma ono daina, aama ono soa. Au tee poo goe e gaavange gi David, aagai koe e hagabaubau au i hiidinga o dahi hahine?

1 Samuel 24:14

Gai goai aau, de hodooligi o Israel, e humai naa e poo? Gai goai aau e humai naa e doolohi? Ia e bei donu huu de gaaduu magau, aabe se gudu gaaduu.

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.

Acts 23:5

Aagai Paul ne hai ange, “Denga daina, au tee iloo donu bolo ia go tangada haimeedabu maolunga; go hiidinga gu sisi e hai ange, ‘Aude daalaa hanu muna baubau i tagi o doo huaadangada.’ ”

Luke 9:54

Gai de masavaa a luu dangada agoago go James ma John ne gidee ai de mee laa, gai gilaau ga ssili ange, “Tagi Maolunga, koe e lodo gimaau gi hagahia iho de ahi mai i de langi, gi daia gilaadeu gi maakau [bei hegau a Elijah ne hai]?”

2 Samuel 3:30

Gai a Joab ma Abishai dono daina daane ne daa Abner ga magau, go hiidinga ia ne daa ga magau delaau daina daane go Asahel, i de masavaa o de hebagi i Gibeon.

2 Samuel 19:21

Gai Abishai, tama daane a Zeruiah, ne hai ange, “E danuaa donu de daa Shimei gi magau, go hiidinga ia ne hagamalaia taane a Tagi Maolunga gu hagadabu.”

2 Samuel 19:22

Gai David ne hai ange, “Luu dama daane a Zeruiah, au e dee buni adu donu gi ooluu muna. Anailaa nei gai gooluu gu ni hagadaumee donu niiogu. E deai donu se dangada Israel daudahi e daa gi magau ailaa nei! Anailaa nei gai au gu iloo bolo go au de hodooligi i Israel.”