2 Samuel 16:7 - De Beebaa Dabu

⁷ Gai Shimei ne hagamalaia, ga hai ange, “Hannoo donu, hannoo donu, koe se daane daa dangada, ma teai oo haigamaiana!

2 Samuel 16:7 Referans Kwoze

Psalm 51:14

De Maadua, hagaola ina mai au i de magau; de Maadua go koe dogu hagaola, gai au e daahili naa ga tuhi dagodo o doo heohi.

Psalm 5:6

Koe e daa naa ga maakau gilaadeu e hadu muna; Tagi Maolunga e kino i gilaadeu e daia dangada ga maakau, aama gilaadeu e daahangadia dangada.

1 Kings 21:13

Gai luu daane baubau laa ne loomai ga nnoho i ono gaogao, gai gilaau ga hagabaubau Naboth i madamada o dangada, ga hagataba, “Naboth gu basa hagamaolunga i de Maadua ma de hodooligi.” Gai gilaadeu ga kave ia gi tua de aduhale ga maga ia gu magau i denga hadu.

1 Kings 21:10

Gai goodou ga hai e dogolua daane baubau gi nnoho i ono gaogao, gai gilaau gi hai ange, ‘Koe gu basa hagamaolunga i de Maadua aama de hodooligi.’ Gai goodou ga kave ia gi tua de aduhale ga maga ai ia gi magau.”

2 Samuel 12:9

Gai gu aha gu hagangadi mee ai naa goe muna a Tagi Maolunga, ma de hai de hegau baubau nei i mada luoono mada? Koe gu daa ma gu magau Uriah, taane Heth, ma de kave dono bodu ma gu hai bodu ange aagena, aama de hai gi maua e denga daane o Ammon i de daa ia gi magau.

2 Samuel 3:37

De laangi laa, gai dangada alodahi ma Israel alodahi gu iloo, bolo e dee go de hodooligi ne hidi ai de magau Abner, tama daane a Ner.

1 Samuel 25:17

Deenei ai, koe gi iloo mee nei ma de hagasaele be se aha aau e hai; go hiidinga dahi hai ngadaa gu dai hai ange donu gi taadeu dangada aamua, ma dangada alodahi i dono hale. Ia se daane baubau mmao, gai e deai donu se dangada e maua i de tala ange dahi mee gi de ia.”

1 Samuel 2:12

Gai luu dama daane a Eli ni daane baubau; gilaau ne hagangadi mee Tagi Maolunga.

Deuteronomy 13:13

bolo hanu dangada baubau i oodou magavaa gu hagabasa dangada i de aduhale laa gi daumaha ange gi denga diinonga oodou e tee iloo laa,

2 Samuel 16:6

Gai ia ne hai denga hadu ga magamaga ai David, ma de gau hai hegau alodahi o de hodooligi go David, gai dangada alodahi ma denga daane mmahi e hagaloosi de baasi madau ma de baasi masui o David.

2 Samuel 19:21

Gai Abishai, tama daane a Zeruiah, ne hai ange, “E danuaa donu de daa Shimei gi magau, go hiidinga ia ne hagamalaia taane a Tagi Maolunga gu hagadabu.”

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

Psalm 55:3

i muna a ogu hagadaumee, ma mee hagadaemaha a de gau baubau. Gilaadeu e hagahai ngadaa dogu mouli, gai e vaivai hai au i delaadeu kino i de au.

Psalm 3:2

E soa e hagataba i ogu dagodo, “De Maadua e dee hagaola naa donu ia.” Selah

Psalm 55:4

Au gu kona mmao de manavasaa ogu lodo, gai denga mee hagamaatagu o de magau gu paa mai gi de au.