2 Samuel 16:4 - De Beebaa Dabu

⁴ Gai de hodooligi ne hai ange gi Ziba, “Ailaa nei, gai au e gaavadu gi de goe mee alodahi a Mephibosheth.” Ziba ne hai ange, “Au e ino adu gi de goe, dogu dangada aamua, go de hodooligi, koe gu abodonu mai gi de au.”

2 Samuel 16:4 Referans Kwoze

Proverbs 18:17

Tangada e daalaa dono heohi i mua, e dulagi be go ia e heohi, ga dae ai gi de humai o dahi ga hai ssiilingaa muna.

Proverbs 18:13

Tangada e basa laa i mua dana noho ga hagallongo, se dangada lodo senga ma de hagadogaa dangada.

Proverbs 19:2

E dee danuaa de lodo o tangada i dahi mee gai e deai sono iloo mee, gai be goai e hagamoolau e hano, e dee gidee naa e ia de haiava.

Deuteronomy 19:15

Muna a dahi dangada tala hagadonu e dee maua i de hagahaisala tangada, i dahi mee oona gu hagabaubau ina ai, aabe go dono mee gu haisala ai. Gai mee alodahi e hagadonu i muna a e dogolua aabe e dogodolu dangada tala hagadonu.

Exodus 23:8

Aude gaavee de mee ngadi gaavange hagasenga; go hiidinga de mee bee nei e hai dangada gi dee gidee e gilaadeu de mee heohi ma de hagahaisala muna a dangada heohi.

2 Samuel 14:22

Gai a Joab ga ino gu baa luoono mada gi honga de gelegele, ga hagadubu ma de hagaahe ange de abodonu gi de hodooligi, ga hai ange, “Anailaa nei gai au e iloo bolo koe, dogu dangada aamua go de hodooligi, gu abodonu mai gi de au, go hiidinga koe gu dugu mai gi bei de mee a doo dangada hai hegau ne dangidangi ai.”

2 Samuel 14:4

De masavaa o de hine Tekoa ne humai ai gi daho de hodooligi, gai ia ga ino gu baa luoono mada gi honga de gelegele, ga hagadubu de hodooligi, ga hai ange, “De hodooligi, balea mai au.”

2 Samuel 9:6

Gai de masavaa o Mephibosheth, tama daane a Jonathan, tama a Saul ne humai ai gi daho David, gai ia ga hagabaguu gi honga de gelegele ga hagadubu David. Gai David ne hai ange gi de ia, “Mephibosheth!” Mephibosheth ne hai ange, “Deenei au, doo dangada hai hegau.”

2 Samuel 9:9

Gai de hodooligi ne hagahi Ziba, taane nogo hai hegau ange laa gi a Saul, ga hai ange gi de ia, “Au gu hagaahe ange gi de mogobuna o doo dangada hai hegau, mee alodahi a Saul ma dono huaabodu.

2 Samuel 16:3

Gai de hodooligi ne ssili ange, “Gai i hee iai de mogobuna o doo dangada aamua?” Ziba ne hai ange gi de hodooligi, “Tilo, ia e noho i Jerusalem, go hiidinga ia e hagadaba, ‘Ailaa nei, gai de gau Israel e hagaahe mai naa gi de au de nohoanga hodooligi o dogu dubuna.’ ”

2 Samuel 16:5

De masavaa o de hodooligi ne dae ai gi Bahurim, gai tilo, dahi daane mai i de huaabodu o Saul, dono ingoo go Shimei, tama daane a Gera, ne humai ga hagamalaia David.

2 Samuel 19:27

Dogu dangada aamua go de hodooligi, ia gu hagabaubau adu au gi de goe. Gai au e iloo bolo koe e bei dagodo o tangada de langi o de Maadua; deenei ai, haia be se aha aau e maanadu bolo e danuaa.

2 Samuel 14:8

Gai de hodooligi ga hai ange gi de hine laa, “Ahe gi doo hale, gai au ga sui goe e basa ange ai gilaadeu.”