2 Samuel 16:23 - De Beebaa Dabu

²³ Laangi laa gai muna bale a Ahithophel gu bei donu muna e hagaago mai i daho de Maadua; gai David ma Absalom ngaadahi ne hagadubu muna bale alodahi a Ahithophel.

2 Samuel 16:23 Referans Kwoze

2 Samuel 15:12

De masavaa a Absalom e hai ai dana sigidaumaha, gai ia ne aalu ga gaamai Ahithophel, taane Giloh, gi humai i dono aduhale; ia go taane hagasaele o David. Gai dana hagatau e hai baasi ange ai gi de hodooligi gu kii ange de mmahi, gai gu soa hogi dangada ne daudali ange i Absalom.

2 Samuel 17:23

De masavaa huu a Ahithophel ne gidee ai bolo dangada tee daudali i ana muna, gai ia ga gage i honga dana donkey ga hano ai gi dono hale i dono aduhale. Gai ia ga hagadabena mee alodahi i dono hale, gai ia ne hano ga gabaea. Deelaa ai, ia ne magau ga danu i lo te daanunga a dono huaabodu.

2 Samuel 17:14

Gai Absalom ma denga daane alodahi o Israel ne hai ange, “Muna bale a Hushai, taane Erek, e danuaa ange i muna bale a Ahithophel.” Go hiidinga Tagi Maolunga gu hai gi dee ssula muna bale a Ahithohphel, gai ia ga hagahai ngadaa ai Absalom.

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.

Romans 1:22

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga;

Luke 16:8

Aagai tangada aamua laa ne tuhi dono dangada hai hegau baubau laa i ana hegau heiangi ne hai; go hiidinga dangada o henua i lalo e heiangi ange i dama a de maalama i de hai hegau i magavaa olaadeu dangada.

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Jeremiah 8:9

De gau heiangi e dookaa naa; gilaadeu e maatagu naa ma de booboogia mai. Tilo, gilaadeu ne kino i muna a Tagi Maolunga, gai e dahi ai naa olaadeu heiangi?

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Ecclesiastes 10:1

Denga lango maakau e hai ga pilo de vai hagamanongi, gai de lodo senga damaa mee e daemaha ange ono dagodo i de heiangi ma de hagadubu.

Psalm 28:2

Hagalaangona dogu dangidangi adu koe gi abodonu mai, i de masavaa oogu e dangi adu ai i de bale, ma dagu haalo adu ai luoogu lima gi doo mommee dabu mmao.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

De Beebaa go Job 5:12

Ia e hai gi dee ssula hagatau a tangada e heiangi vaivai dagodo, gi dee maua ai gi ssula alaadeu hegau.

1 Samuel 30:8

Gai David ga ssili ange gi Tagi Maolunga, “Ga hano au e doolohi gi daea de hagabuulinga gaiaa laa?” Gai ia ga hai ange, “Hannoo dolohia gilaadeu, gai koe e daea adu naa donu gilaadeu ga hagaola dangada.”

Numbers 27:21

Gai ia gi duu i mada i mua o tangada haimeedabu go Eleazar, gai tangada haimeedabu ga hai gi iloo e ia hagatau a Tagi Maolunga i de Urim ma de Thummim. Gai tangada haimeedabu ga tala ange ai gi Joshua ma de hagabuulingaa dangada o Israel alaadeu mee e hai.”

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

2 Samuel 17:1

Gai Ahithophel ne hai ange hogi gi Absalom, “Dugua mai gai au ga hili e 12,000 daane, e hulo gimaadeu e doolohi David aaboo nei.