2 Samuel 15:30 - De Beebaa Dabu

³⁰ Aagai David ne dangi ga hanage ai i de Mounga o denga Olive, gai ia ne aau luoono mee vae ma de haoli dono biho; gai dangada alodahi madali ia ne haoli hogi olaadeu biho ma de tangi ga loage ai madali ia.

2 Samuel 15:30 Referans Kwoze

Esther 6:12

Dua mee nei gai Mordecai ne ahe gi de haitoga o de hale o de hodooligi. Aagai Haman ne hagamoolau ga hano gi dono hale, ga haoli dono biho i hiidinga de daemaha ono lodo.

2 Samuel 19:4

Gai de hodooligi ne haoli luoono mada ga oo ai ga dangi, ga hagadaba, “Dagu dama go Absalom! E Absalom, dagu dama, dagu dama!”

Ezekiel 24:23

Goodou e noonoa denga goobai malo i honga oodou biho, ma mee vae i oodou vae. Goodou e dee hinangalosaa aabe tangi, aagai goodou e gonogono naa i hiidinga oodou baubau, ma de hagadau daemaha i oodou magavaa.

Ezekiel 24:17

Gai koe dangi, gai haia gi deai e langona; gai koe e dee dangi i tangada magau. Noodia doo goobai i honga doo biho ma de ulumagi oo mee vae; gai koe gi dee haolia doo ngudu, aabe gi gaina gai a de gau hinangalosaa e gai.”

1 Corinthians 12:26

Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.

Romans 12:15

Malangilangi madali gilaadeu e malangilangi, gai tangi madali gilaadeu e tangi.

Acts 1:12

Aagai de gau tala ne ahe gi Jerusalem mai i de Mounga o denga Olive, agu made se baasi maele ga dae gi de aduhale.

Luke 22:39

Gai Iesu ne sao e hano gi de Mounga o denga Olive bei dana dahulinga i de laa tubua; gai ana dangada agoago ne hulo hogi madali ia.

Luke 21:37

Laangi laa gai ia e agoago i de temple, gai de boo naa huu gai ia ga hano ga noho i honga de mounga e hagaingoo ange laa go de Mounga o denga Olive.

Luke 19:41

De masavaa o Iesu ne baa ange ai ga gidee de aduhale, gai ia gu dangi,

Luke 19:37

Gai ga dai baa ange huu ia gi de aduhale, i de mommee e hano iho ai laa i de hadi aho o de Mounga o denga Olive, gai ana dangada agoago soa e daudali ange laa i de ia ga daamada de hevaalogi i de malangilangi ga tuhi de Maadua, i hiidinga denga mee hagalele mouli alodahi alaadeu gu gidee,

Luke 19:29

Gai de masavaa huu oona ne dai dae ai gi Bethphage ma Bethany, i de mounga e hagaingoo ange laa go de Mounga o denga Olive, gai ia ga hai gi hulo e dogolua ana dangada agoago,

Matthew 5:4

E manuuia gilaadeu e daemaha olaadeu lodo; gilaadeu e hagamaamaane naa olaadeu lodo!

Zechariah 14:4

De laangi laa gai ia e duu naa i honga de Mounga o denga Olive, i baasi i dua o Jerusalem, gai de Mounga o denga Olive e mahanga lua naa mai i dua ga sao i dai, ga hai ai dahi geelonga laumalie mmao. Dahi luu baasi o de mounga e ngalue naa gi ngaiho, gai de baasi ange laa e ngalue gi ngaage.

Psalm 43:5

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

Psalm 42:3

Ogu loimada go agu mee e gai i de laangi aama de boo, gai dangada e ssili mai gi de au i taiao ga boo ai, “I hee iai doo Maadua?”

2 Samuel 15:29

Gai Zadok ma Abiathar ne aahe ga hagaahe de ngavesi a de Maadua gi Jerusalem ga nnoho ai i kilaa.

2 Samuel 19:5

Gai Joab ne humai gi de hale o de hodooligi, ga hai ange gi de ia, “Anailaa nei gai koe gu hagadookaa oo daane hebagi alodahi, go gilaadeu ne hagaola ina doo mouli, ma mouli o au dama, ma oo bodu aama oo bodu laa daha,