2 Samuel 15:3 - De Beebaa Dabu

³ gai Absalom ga hai ange gi de ia, “E heohi donu ma de danuaa, dau mee e ssala ai naa doo heohi; aagai tigi ai donu se dangada a de hodooligi ne hili ange gi hagalaangona au muna.”

2 Samuel 15:3 Referans Kwoze

2 Peter 2:10

Gai mee nei e hai ange naa donu gi gilaadeu e hai hegau i denga lodo hakino gee, aama de hagangadi mee gilaadeu iai ssauaa e dagi ai. De gau bee nei e hagamaolunga, ma de hai alaadeu hai, gilaadeu e dee maatagu donu i de pasa baubau i de gau de langi mahamaha laa;

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.

Acts 23:5

Aagai Paul ne hai ange, “Denga daina, au tee iloo donu bolo ia go tangada haimeedabu maolunga; go hiidinga gu sisi e hai ange, ‘Aude daalaa hanu muna baubau i tagi o doo huaadangada.’ ”

Matthew 15:4

De Maadua gu hagadaba, ‘Hagadubu ina doo damana ma doo dinana,’ gai ‘Tangada e basa hagangadi mee ina dono damana aabe go dono dinana e daa donu gi magau.’

Daniel 11:21

Gai dono duulanga e gaavange naa gi dahi dangada baubau, se dangada e dee heohi ange gi de hagadubu o denga hodooligi. Ia e daa hagalele naa donu de humai, ga kave de nohoanga hodooligi i de hai hegau hagasenga.

Ezekiel 22:7

Gilaadeu ne hagangadi mee denga damana ma dinana i oo daha, ma de vaivai hai de gau henua gee, ma denga gauligi gu deai olaadeu damana aama haahine gu maakau olaadeu bodu.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Proverbs 12:2

Tagi Maolunga e abodonu ange gi tangada danuaa, aagai Tagi Maolunga e hagabaubau tangada e haia hagasaele baubau.

Psalm 12:2

Dangada alodahi gu hagadau hadu muna; alaadeu muna e hagasegesege ange dangada i de mee hhadu.

2 Samuel 8:15

Gai David ne hodooligi i honga Israel alodahi, gai ia ne hagamodu i de soe ma de mee heohi ange gi ono dangada alodahi.

Numbers 16:3

Gilaadeu ne loomai ga hagadaumee ange gi Moses ma Aaron, ga hai ange gi gilaau, “Gu gona odi ooluu mee e hai! Dangada alodahi o Israel e dabu, gai Tagi Maolunga e noho i olaadeu daha. Gai gu aha gooluu gu hai ai naa gooluu gi maolunga ange i de hagabuulingaa dangada o Tagi Maolunga?”

Exodus 21:17

Be goai e basa hagamalaia ina dono damana aabe go dono dinana, gai ia e daa donu gi magau.

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

2 Samuel 15:4

Gai Absalom ne hai ange hogi, “Mee naa go au e hagamodu ina muna i honga de henua. Gai tangada e gaamai gi de au dono mee e hai baasi ai aabe go dahi mee ange, gai au e hagamodu naa donu i de heohi.”