2 Samuel 15:21 - De Beebaa Dabu

²¹ Aagai Ittai ne hai ange gi de hodooligi, “Au e hagatoo donu i de mouli o Tagi Maolunga, ma de mouli o dogu dangada aamua go de hodooligi: be go hee naa huu o de hodooligi e noho ai, e dee galemu be ia e daia ga magau aabe e ola, gai go kilaa hogi oogu e nnoho ai.”

2 Samuel 15:21 Referans Kwoze

Proverbs 17:17

Ssoa abodonu e aloha i masavaa alodahi, gai taina ne haanau ange gi de masavaa o de hai ngadaa.

2 Kings 4:30

Gai tinana o tama daane laa ne hai ange, “Au e hagatoo donu i de mouli o Tagi Maolunga aama doo mouli, bolo au e dee hano gee naa donu mai i oo daha.” Deelaa ai, Elisha ne hano madali de hine laa.

2 Corinthians 7:3

Au e dee tala adu mee nei e hagabaubau goodou, go hiidinga au gu lava i de tala adu i mua bolo goodou i omaadeu lodo, e dee hilihili be gimaadeu e maakau aabe e mouli madali goodou.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Proverbs 18:24

Tangada e soa laa ono soa, e duu ange naa donu gi de hai ngadaa, aagai e dahi dangada se soa e kii ange de baa ange gi de ia i dono daina donu.

2 Kings 2:6

Dua mee laa, gai Elijah ne hai ange hogi gi Elisha, “Aude haihaia, koe gi noho i kinei, go hiidinga Tagi Maolunga gu hai mai au gi hano gi ssaalingaa vai go Jordan.” Aagai Elisha ga hai ange, “Au e hagatoo donu i de mouli o Tagi Maolunga ma doo mouli, bolo au e dee tili donu goe.” Gai gilaau ga hulo ai loo.

2 Kings 2:4

Elijah ne hai ange hogi gi de ia, “Elisha, au e dangidangi adu, noho i kinei; go hiidinga Tagi Maolunga gu hai mai au gi hano gi Jericho.” Elisha ne hai ange, “Au e hagatoo donu i de mouli o Tagi Maolunga aama doo mouli, bolo au e dee tili donu goe.” Gai gilaau ne hulo gu tae gi Jericho.

2 Kings 2:2

Gai Elijah ne hai ange gi Elisha, “Au e dangidangi adu, noho i kinei, go hiidinga Tagi Maolunga gu hai mai au gi hano gi Bethel.” Aagai Elisha ne hai ange, “Au e hagatoo donu i de mouli o Tagi Maolunga ma doo mouli, bolo au e dee hano gee donu i oo daha.” Gai gilaau ga hulo ai loo gu tae gi Bethel.

1 Samuel 25:26

Deenei ai, dogu dangada aamua, au e hagatoo donu i de mouli o Tagi Maolunga ma doo mouli: go hiidinga Tagi Maolunga ne daohi goe gi dee daia gi maakau dangada, ma de daohi goe gi dee sui ange alaadeu mee gu hai, deenei ai, oo hagadaumee aama gilaadeu e nnoho e haia adu de baubau gi de goe gi bei dagodo o Nabal.

1 Samuel 20:3

Aagai David ne hai dahi hagatoo donu ga hai ange, “Doo damana e iloo bolo koe gu abodonu mai gi de au; gai ia gu hagadaba i ono lodo, ‘E dee tala ange mee nei gi Jonathan gi dee daemaha ai ia.’ Aagai au e hagatoo donu i de mouli o Tagi Maolunga ma doo mouli, bolo gu baa ange donu gi dogu daa ga magau!”

2 Samuel 15:22

David ne hai ange gi Ittai, “Hannoo i ogu mada i mua.” Gai Ittai, taane Gath ne hano i ono mada i mua madali ono daane alodahi ma olaadeu huaabodu madali gilaadeu.