2 Samuel 15:13 - De Beebaa Dabu

¹³ Gai dahi daane hagailoo ne humai ga hai ange gi David, “De gau Israel gu daudali ange i Absalom.”

2 Samuel 15:13 Referans Kwoze

Judges 9:3

Gai de masavaa o dangada o dono dinana ne tala ange ai muna laa alodahi gi denga dagi o Shechem, gai gilaadeu gu llodo e daudali ange i Abimelek, go hiidinga gilaadeu ne hagataba, “Ia se daina donu niiodaadeu.”

Matthew 27:22

Pilate ne hai ange hogi gi gilaadeu, “Gai ni aha aagu e hai ange gi Iesu e hagaingoo ange laa go de Klisdo?” Dangada alodahi ne hai ange gi de ia, “Daudau ina ia i de laagau lui!”

2 Samuel 15:6

Gai Absalom ne hai hegau ange bee nei, gi de gau Israel alodahi ne loomai e ssala olaadeu heohi i daho de hodooligi. Gai ia ga kave lodo o de gau Israel alodahi.

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.

2 Samuel 3:36

Gai dangada alodahi gu malangilangi i delaadeu gidee de hegau nei; gai dangada alodahi gu malangilangi hogi i hegau alodahi a de hodooligi ne hai.

Psalm 3:1

Tagi Maolunga, e dogohia maa ogu hagadaumee! Gai e soa gu nnoho e hai baasi mai gi de au!