2 Samuel 14:25 - De Beebaa Dabu

²⁵ Gai e deai donu se dama daane i Israel e mahamaha bei dagodo o Absalom. E deai donu se mee baubau daudahi i dono angaanga, mai i luoono vae ga dae age ai gi dono biho.

2 Samuel 14:25 Referans Kwoze

Isaiah 1:6

Mai i lalo de vae ga dae ai gi de biho, gu deai donu se mommee danuaa iai, go mee dugidugia donu huu ma maanuga iai, aama maanuga e sali mai ai todo; tigi hagagilimalali, tigi saabini, gai tigi hulu i lolo.

De Beebaa go Job 2:7

Gai Satan ne hano gee mai i mada i mua o Tagi Maolunga, ga hai gu ssomo hanu hagahoa hagammae i de angaanga alodahi o Job, mai i luoono vae ga dae ai gi dono biho.

Deuteronomy 28:35

Gai Tagi Maolunga e hai naa gi ssomo denga hagahoa hagammae i luoo duli ma luoo vae gai e dee maua gi mmahu, gai e ssomo naa i luoo vae ga dae ai gi doo biho.

Ephesians 5:27

gai ia ga kave ai gi niiona de nohoanga dabu gu hagamahamaha laa, gu deai mee baubau iai, be ni mee vinivini iai, aabe ni mee bei mee nei iai; gai gu dabu aama teai mee baubau iai.

Matthew 23:27

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e bei donu dagodo o denga daanunga gu lebu laa gi tea ma de hagadanuaa, gai lodo e hoohonu i ivi o de gau maakau ma mee hakino gee alodahi.

Proverbs 31:30

De tuhi a dangada e daahanga tangada, gai de mahamaha e moolau de lilo; aagai de hine e madagu laa i Tagi Maolunga e duuhia naa.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

1 Samuel 9:2

Gai e dahi ana dama daane, dono ingoo go Saul, ia se dama daane mahamaha. Gai e deai ange donu se daane mahamaha i magavaa o de gau Israel bei ono dagodo, gai e looloa ange donu i dangada alodahi.

Daniel 1:4

gai e deai mee baubau i angaanga o denga dama daane laa, gilaadeu e mahamaha, ma de heiangi i de ago denga hagadaagangaa mee alodahi, ma de iloo mee, aama de heohi ange gi de hai hegau i de hale o de hodooligi. Gai ia gi agoagona ange gilaadeu i muna o de henua ma mee gu sisi i lodo beebaa a de gau Babylon.

1 Kings 1:6

(Gai dono damana tee buibui donu ia aabe ne ssili ange, “Gu aha goe gu hai hegau ai naa bee naa?” Adonijah se daane hogi mahamaha mmao, gai ia e gauligi mai ange i Absalom.)

Ezekiel 23:15

lodo olaadeu ungaalodo e noonooa i beele, olaadeu biho iai denga goobai malo, gai gilaadeu alodahi e bei denga dagi o de hebagi o de gau Babylon e kage laa i honga hada, gilaadeu ni dangada Babylon.