2 Samuel 14:14 - De Beebaa Dabu

¹⁴ Gidaadeu alodahi e maakau naa donu; gidaadeu e bei dagodo o denga vai gu maalingi laa gi honga de gelegele, gu dee maua i de ahe ange e hagabudu. Aagai de Maadua e dee kave de mouli o dahi; gai ia e ssala de hai e hagaahe mai ai de ia gu hai gi hano gee mai i ono daha.

2 Samuel 14:14 Referans Kwoze

De Beebaa go Job 30:23

Au e iloo bolo koe e kave naa ngau gi de magau, go de mommee gu hagadabena ange gi dangada alodahi e mouli.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

Numbers 35:28

Go hiidinga tangada ne haisala laa e hai donu gi noho i de aduhale o de hagaola, ga dae ai gi de magau o tangada haimeedabu maolunga; aagai dua naa huu de magau o tangada haimeedabu maolunga laa, gai tangada laa gu maua i de ahe gi de vaaenga o dono aamuli.

De Beebaa go Job 34:15

gai dangada alodahi e odi naa i de maakau, gai tangada e ahe ange naa gi de gelegele.

Numbers 35:25

Gai de hagabuulingaa dangada gi buibuia tangada ne daia tangada ga magau, mai i tangada e lodo e suuia ange dana hegau ne hai. Gilaadeu gi hagaahea tangada ne daia laa dahi dangada ga magau, gi de aduhale hagaola oona ne savini laa ga hano aagena. Gai ia gi noho i kilaa, ga dae ai gi de magau o tangada haimeedabu maolunga ne hagadabu laa i de lolo dabu.

Numbers 35:15

Gai denga aduhale e ono nei ni mommee e hagaola ai de gau Israel, ma de gau henua gee e nnoho madali goodou, gi maua ai e tangada e daia dahi dangada ga magau, gai e dee se hagabau, i de savini ga hano e hagaola ai ia i kilaa.

Ecclesiastes 9:5

Gai dangada goi mouli laa e iloo bolo gilaadeu e maakau naa donu, aagai de gau maakau e deai donu alaadeu mee e iloo; e deai ange donu olaadeu hagaoanga, gai dangada gu dee manadua hogi gilaadeu.

Psalm 22:14

Au gu bei denga vai gu llingi laa, ogu ivi alodahi gu ngaalue; ogu lodo gu bei dagodo o de candle, gu odi laa i de vaivai.

De Beebaa go Job 14:14

Noo tangada e magau, gai e maua naa gi mouli age ange? Laangi alodahi oogu e hagadalea, gai au e tali ga dae ai dogu masavaa e ilaage mai ai i de magau.

Romans 2:11

Go hiidinga de Maadua e dee vae dangada.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Psalm 90:10

Gai de lagolago o odaadeu ngadau e mouli ai se madahidu, aabe e madavalu, noo gidaadeu e mmahi; aagai laangi laa iai de hai ngadaa ma taemaha, gai e moolau donu de odi, gai gimaadeu e lele ga hulo.

Psalm 90:3

Koe e hai dangada gi ahe ange gi de gelegele, ma de hagadaba, “Dama a dangada, goodou aahe ange gi de gelegele.”

Psalm 79:3

Gilaadeu gu llingi denga dodo bei denga vai i Jerusalem alodahi, gai gu deai donu dangada e danumia de gau maakau.

Psalm 58:7

Haia gilaadeu gi dee maaleva bei vai e ssali laa ga hulo, gai olaadeu dao gi hadihadi, i de masavaa e dada ai alaadeu mee hholu.

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

2 Samuel 11:25

David ne hai ange gi taane ne gaamai laa de longo, “Ahe hai ange gi Joab, ‘Aude lodo baubau i de mee nei; go hiidinga de magau e dee hilihili dangada. Gai koe hagammahi hebagi ma gi hagadee kii ina de aduhale.’ Gai koe hagammahi ina ange Joab i muna nei.”

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

Leviticus 26:40

Aagai noo gilaadeu e tala olaadeu haisala ma haisala o olaadeu maadua madagidagi — delaadeu hai baasi mai gi de au, ma delaadeu tee hai hegau mai gi de au i de mee abodonu,

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Acts 10:34

Aagai Peter ne daamada de basa ga hai ange, “Au e iloo bolo ni muna abodonu de Maadua e dee vae dangada,

Exodus 21:13

Aagai noo tangada tee se hagabau, gai go de Maadua ne dugua ange gi hai de hegau laa, gai ia gi savini gi hano gi de mommee aagu gu hagailonga.

2 Samuel 14:15

Deenei ai, dogu dangada aamua go de hodooligi, au ne humai e tala adu muna nei gi de goe, go hiidinga dangada gu hai au gi madagu, gai doo hahine hai hegau ne maanadu, ‘Au e tala ange mee nei gi de hodooligi, kana adu de hodooligi e hai naa gi bei dagu dangidangi.

1 Kings 11:39

Au e hagaduasala naa hagadiilinga o David i hiidinga o de mee nei, aagai e dee hagaduasala gilaadeu ga hano ai.’ ”

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Psalm 77:8

E aha, gu deai nei donu sono abodonu ga hano ai? Gai gu dee hagassula nei donu ana hagatoo donu i masavaa alodahi?

Lamentations 3:31

Go hiidinga de Ia Aamua e dee tili donu dahi dangada ga hano ai.

Ezekiel 18:23

Goodou e maanadu bolo au e malangilangi i de magau o tangada baubau? go de Ia Aamua go Iahweh e hagadaba. E dee go de dahuli gee i ana hegau gi mouli ai ia?