2 Samuel 14:10 - De Beebaa Dabu

¹⁰ Gai de hodooligi ga hai ange, “Noo dahi dangada e tala adu hanu muna gi de goe, gai gaamai ia gi ogu daha, gai ia e dee ahe ange naa donu e hakoso goe.”

2 Samuel 14:10 Referans Kwoze

2 Samuel 14:9

Aagai de hine Tekoa laa ne hai ange hogi gi de hodooligi, “Dogu dangada aamua go de hodooligi, ssala nei e dau mai donu gi de au, ma dogu huaabodu; e dee dau adu gi de goe ma doo nohoanga hodooligi.”

2 Samuel 14:11

De hine laa ga hai ange, “Au e dangidangi adu, dalodalo ange gi Tagi Maolunga doo Maadua, ia gi haia tangada e suuia ange de baubau gi deai ange ana dangada e daa gi maakau, gi dee magau ai dagu dama.” De hodooligi ne hai ange gi de hine laa, “Au e hagatoo donu i de mouli o Tagi Maolunga, bolo e deai donu se ngaangaaulu daudahi o dau dama e doo gi honga de gelegele.”

2 Samuel 16:4

Gai de hodooligi ne hai ange gi Ziba, “Ailaa nei, gai au e gaavadu gi de goe mee alodahi a Mephibosheth.” Ziba ne hai ange, “Au e ino adu gi de goe, dogu dangada aamua, go de hodooligi, koe gu abodonu mai gi de au.”