2 Samuel 13:22 - De Beebaa Dabu

²² Gai Absalom tee tala ange donu dahi muna daudahi gi Amnon; ia gu kino i Amnon i hiidinga dana hai gi de mahi dono daina go Tamar.

2 Samuel 13:22 Referans Kwoze

Genesis 31:24

Gai de Maadua ne hakide ange gi Laban, taane Syria i de midi, i de boo laa, ga hai ange gi de ia, “Koe kana ange gi au muna e basa ange ai gi Jacob, e dee hilihili be e danuaa aabe e baubau.”

1 John 3:15

Tangada e kino i dono daina se dangada donu e daia tangada gi magau, gai goodou e iloo bolo e deai donu se dangada e daia tangada gi magau e dagodo de mouli e dee ngado mai i ono daha.

Genesis 24:50

Gai a Laban ma Bethuel ga pasa ange, ga hai ange, “De mee nei se mee mai i daho Tagi Maolunga, gai e deai ange donu amaau muna e maua i de tala adu gi de goe.

1 John 2:11

Aagai tangada e kino i dono daina e noho donu i lo te gohu ma de seesee i lo te gohu, ia e dee gidee danuaa dono haiava e seesee ai, go hiidinga de gohu gu haoli luoono mada.

1 John 2:9

Be goai e hagadaba bolo ia e seesee i de maalama aagai ia e kino i dono daina, gai ia goi noho donu huu i lo te gohu.

Ephesians 4:31

Goodou dilia de golo age de baubau, ma de bole ma de lili, ma de hagadaumee, ma de hai samu, aama denga hagadaagangaa maanadu baubau alodahi.

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,

Matthew 18:15

“Noo doo daina gu haisala adu gi de goe, aagai koe hannoo hagaagona ange ono haisala gi de ia i de masavaa e deai ai dangada i ooluu daha. Aagai noo ia gu hagallongo adu gi de goe, gai koe gu maua i de hagaahe mai doo daina.

Ecclesiastes 7:9

Koe gi dee moolau doo lili; go hiidinga de lili e dagodo i lodo o tangada lodo senga.

Proverbs 26:24

Tangada e hagammuni dagodo o ono lodo i ana muna e tala, aagai ono lodo e dagodo ai de hadu muna.

Proverbs 25:9

Noo gooluu ma tangada e baa adu gi de goe gu dee heloongoi, gai koe gi dee daalaa ange ana muna gi dahi dangada gee,

Proverbs 10:18

Tangada e hagamuunia laa dono kino se dangada donu hadu muna, gai be goai e hagadele ina muna hagabaubau se dangada lodo senga.

Genesis 31:29

Au e maua donu i de hagalagohia goe, aagai de Maadua o doo damana ne hai mai gi de au anaboo, ‘Koe gi kana ange gi au muna e basa ai gi Jacob, e dee hilihili be e danuaa aabe e baubau.’

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

1 John 3:12

Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

2 Samuel 13:21

De masavaa a de hodooligi go David ne langona ai mee nei alodahi, gai ia gu kona mmao de lili.

Proverbs 26:26

Ia e hagammuni dono kino i de hadu muna, aagai dangada soa e gidee naa ana hegau baubau.