2 Samuel 12:22 - De Beebaa Dabu

²² Ia ne hai ange gi gilaadeu, “De masavaa o tamaa gauligi e mouli ai, gai au ne hagahiigai ma de dangi, go hiidinga au ne maanadu, ‘Goai e iloo be Tagi Maolunga e abodonu mai naa gi de au, ga hai gi mouli tamaa gauligi.’

2 Samuel 12:22 Referans Kwoze

Isaiah 38:5

“Hannoo hai ange gi Hezekiah, ‘E hagadaba Tagi Maolunga, de Maadua o doo dubuna go David: Au gu langona dau dalodalo, gai au gu gidee oo loimada; tilo, au e dugu adu naa goe gi mouli i e madaangahulu ma lima ange ngadau.

Jonah 1:6

Gai de eligi o de vaga ne humai ga hai ange gi de ia, “Gu aha gu seni ai naa goe? Hidi age dalodalo ange gi doo maadua! Kana adu ia e bale mai naa gidaadeu, gi dee maakau ai gidaadeu.”

Joel 2:14

Gai goai e iloo be ia e dee ahe naa dana maanadu ga dugu dahi manuuia, bei sigidaumaha o denga grain ma sigidaumaha o mee unu e vange gi Tagi Maolunga doodou Maadua?

Joel 1:14

Hagailoo ina de hagahiikai dabu; hagailoo ina de hagabuni dabu. Hagabuni ina denga dagi ma dangada alodahi e nnoho i de henua gi de hale o Tagi Maolunga doodou Maadua, gai dalodalo ange gi Tagi Maolunga.

Amos 5:15

Goodou kino i de baubau, gai llodo i tanuaa, hai hegau i de hagamodu heohi i de haitoga o de aduhale. Kana adu Tagi Maolunga, de Maadua o denga hagabuulinga hebagi, e abodonu ange naa gi dangada o Joseph e doe.

2 Samuel 12:21

Gai ono dangada hai hegau ne ssili ange gi de ia, “Se hegau bee hee aau ne hai nei? Koe ne hagahiigai ma de dangi i de masavaa o tamaa gauligi e mouli ai; aagai ga magau huu tamaa gauligi, gai koe gu hidi age ga gaimee.”

2 Kings 20:3

“Tagi Maolunga, au e dangidangi adu koe gi manadua bolo au ne hai hegau adu gi de goe i de muna abodonu i ogu lodo alodahi, ma de hai hegau i de heohi i mada luoo mada.” Gai Hezekiah ne kona mmao dono dangi.