2 Samuel 1:7 - De Beebaa Dabu

⁷ Gai ia ne gidee au i de masavaa oona ne huli dua ai, gai ia ga hagahi mai au. Gai au ga hai ange, ‘Deenei au.’

2 Samuel 1:7 Referans Kwoze

Isaiah 65:1

“Au gu baba ange e hagaago ange au gi dangada e tee siilia ogu dagodo; gai gilaadeu tee saalaa au e gidee naa e gilaadeu au. Gai au e hai ange naa gi de huaahenua tee dalodalo i dogu ingoo, ‘Deenei au, deenei au!’

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

2 Samuel 9:6

Gai de masavaa o Mephibosheth, tama daane a Jonathan, tama a Saul ne humai ai gi daho David, gai ia ga hagabaguu gi honga de gelegele ga hagadubu David. Gai David ne hai ange gi de ia, “Mephibosheth!” Mephibosheth ne hai ange, “Deenei au, doo dangada hai hegau.”

1 Samuel 22:12

Gai a Saul ga hai ange, “Ahimelek, tama daane a Ahitub, hagalaangona agu muna.” Ia ne hai ange, “Dogu dangada aamua, deenei au.”

Judges 9:54

Gai ia ne hagamoolau ga hagahi tama daane e dagidagia laa ono goloa hebagi, ga hai ange gi de ia, “Haia dau gadilaasa mage velosia ai au gi magau, gi dee hagataba ai dangada bolo se hine ne daia ngau ga magau.” Gai tama daane laa ga velo ia gu magau.

2 Samuel 1:6

Tama daane laa ne tala ange gi de ia, ga hai ange, “Au nogo i honga de mounga go Gilboa, gai au ne gidee a Saul gu baguu ange gi honga dono dao, gai denga hada hebagi ma gilaadeu e saavini gu paa mai donu gi dono mommee iai laa.

2 Samuel 1:8

Gai ia ne ssili mai gi de au, ‘Go koe goai?’ Gai au ne hai ange gi de ia, ‘Au se daane Amalek.’