2 Samuel 1:23 - De Beebaa Dabu

²³ Saul ma Jonathan ni daane niio dangada e aaloha ai aama de mahamaha, gai gilaau tee mavaevae donu i delaau maakau. Gilaau e kemo ange i denga igele, gai e mmahi ange i denga laiono.

2 Samuel 1:23 Referans Kwoze

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Judges 14:18

Gai denga daane o de aduhale ne hai ange gi Samson i de hagahidu laangi, i mua de danu de laa, “Se aha e maimai ange i denga hooni? Gai se aha e mmahi ange i de laiono?” Gai Samson ga hai ange gi gilaadeu, “Noo goodou tee hagabasa dogu bodu, gai goodou tee maua donu gi iloo dagu mee hagasengasenga.”

Lamentations 4:19

Dangada e dolohia gimaadeu e kemo ange i denga igele i lo te langi i lunga; gilaadeu e doolohi gimaadeu i honga denga mounga, ma de mmuni e tali ai gimaadeu i lodo henua.

Proverbs 30:30

go de laiono, e mmahi ange laa i denga manu aada alodahi, e deai se mee daudahi oona e madagu ai;

De Beebaa go Job 9:26

Ogu laangi e hulo ga ui bei denga boose papyrus, gai e bei denga igele e hagatili iho laa ga dango dahi mee.

1 Samuel 18:1

De masavaa ne lava ai de madaangudu o David ma Saul, gai lodo o Jonathan gu buni ma lodo o David, gai ia gu aloha i David bei dono aloha donu i de ia.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

1 Chronicles 12:8

Hanu daane Gad ne loomai ga dau ange gi David i de mommee buibui makaga i lodo henua. Gai gilaadeu ni daane mmahi ma de dau i de hebagi, gai e aabo i de hebagi i de mee hungihungi ma tao. Olaadeu mada e hagamaatagu bei mada o denga laiono, gai e kemo bei denga gazelle i ulu mounga.

2 Samuel 23:20

Gai Benaiah, tama daane a Jehoiada, ia se daane aabo i de hebagi mai i Kabzeel, gai ne lagolago hogi ana hegau danuaa ne hai. Ia ne daa ga maakau e dogolua daane mmahi o Moab. Gai ia ne iho hogi gi lo te geelonga ga daa dahi laiono i de masavaa e loiho ai denga snow.

1 Samuel 20:2

Jonathan ne hai ange gi de ia, “Koe e dee magau donu! Tilo, dogu damana e dee hai donu dahi mee daudahi, noo ia e dee tala mai gi de au. Gai gu aha ia gu hagammuni ai de mee nei i de au? E dee maua donu!”

2 Samuel 2:18

Gai e dogodolu dama daane a Zeruiah i kilaa: go Joab, ma Abishai, aama Asahel. Gai Asahel se daane gemo i de savini bei dagodo o de gazelle lodo henua.

2 Samuel 1:24

Denga haahine o Israel, goodou tangi i hiidinga o Saul; ia ne hakahu goodou i malo mmea mahamaha, ma de hagadanuaa goodou i denga hakai goolo.

Song of Songs 5:16

Dono ngudu e maimai mmao, gai au e vaasuu i ono dagodo alodahi. Denga damaa hine o Jerusalem, deenei dogu dau soa, gai deenei dogu soa.