2 Peter 3:17 - De Beebaa Dabu

¹⁷ Deenei ai, ogu soa hagamogomogo, goodou gu iloo donu mee nei, gai goodou dagidiiloo gi dee hagasengalia goodou i alaadeu agoago dee heohi, ga dee maua ai e goodou i de tuu gi makaga.

2 Peter 3:17 Referans Kwoze

Hebrews 3:14

Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

Colossians 2:8

Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

1 Corinthians 10:12

Deenei ai, tangada e maanadu laa bolo ia e duu ma e makaga gi kana ange gi dee baguu ia.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Proverbs 1:17

E deai haigamaiana de dugu dahi sele i de mommee a denga manu llele e gidee ai.

2 Timothy 4:15

Gai koe dagidiiloo ia, i hiidinga ia e hai baasi ange donu gi muna odaadeu e agoago ai nei.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Matthew 16:6

Iesu ne hai ange gi gilaadeu, “Goodou kana ange dagidiiloo goodou i mee hagahua a denga Pharisee ma denga Sadducee.”

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

Matthew 16:11

E aha, goodou tigi tonu ange naa donu bolo au tee basa adu i denga pelaoaa? Gai au e hai adu goodou gi kana ange i mee hagahua a denga Pharisee ma Sadducee.”

Revelation 2:5

Koe gi ahe ange gi manadua oo dagodo i mua doo ahe dua, gai dahuli oo lodo, ga hai au hegau nogo hai i taamada. Gai noo e deai, gai au e humai naa e aau gee dau mee dugu laama i dono duulanga, deelaa donu huu noo koe e dahuli oo lodo.

1 Peter 5:9

Goodou hai baasi ange gi de ia ma de tuu gi makaga i de gai, i doodou iloo bolo oodou daina i henua i lalo alodahi e hagaduasala hogi bei oodou dagodo.

Colossians 2:5

Gai ga dee noho naa donu au i oodou daha iainei i de angaanga, gai au e noho donu i oodou daha i de hagasaalunga, ma de malangilangi i dagu gide doodou lodo mmahi aama doodou tuu ga makaga i oodou kai ange gi Klisdo.

Philippians 3:2

Goodou dagidiiloo denga gaaduu ma gilaadeu e haia de baubau, aama gilaadeu e duuduudia olaadeu angaanga.

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.

Galatians 5:4

Goodou e daudali laa i de hainga e hagaheohi ai goodou, goodou gu vvae gee donu goodou i Klisdo; goodou gu dee maua i de kave de abodonu o de Maadua.

2 Peter 2:7

gai noo ia ne hagaola taane heohi go Lot, go de ia ne daemaha laa ono lodo i dana gide denga dahulinga hakino gee a de gau baubau,

2 Peter 3:1

Ogu soa hagamogomogo, deenei de lua leda aagu gu sisi adu gi goodou, gai au ga hai gi aahe ange goodou gi manadua mee gilimalali.