2 Peter 2:17 - De Beebaa Dabu

¹⁷ De gau bee nei e bei dagodo o denga vai geli e deai laa vai iai, ma de mama o de vai a de madangi mmahi e ili saele laa; gai de gohu boo dangodango gu hagadabena ange donu gi gilaadeu.

2 Peter 2:17 Referans Kwoze

Jeremiah 14:3

De gau aamua gu hai olaadeu dangada hai hegau gi hulo gi asu vai; gilaadeu ne hulo gi de vai i lo te baba, aagai teai alaadeu vai ne gide. Gilaadeu ne aahe mai ma alaadeu ngadi manu vai; gilaadeu gu dookaa ma de ssenga ange, gilaadeu gu haoli olaadeu biho.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

Jude 1:6

Gai de gau de langi tee llodo laa e nnoho i olaadeu duuhanga, aagai ne hulo gee mai i delaadeu mommee nnoho, de Maadua gu noonooa gilaadeu gi nnoho i lo te gohu ga hano ai e dee ngado mai, ga dae ai gi de laangi hagamodu muna maolunga laa.

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;

Matthew 25:30

Goodou gaavee tangada hai hegau deai naa ono haigamaiana magaa gi duaahaho, go de mommee o de tangi ma de hagaida ai gauvae.’

Matthew 22:13

Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

Hosea 6:4

Ephraim, dee hee dagu hai e hai ai goe? Judah, dee hee dagu hai e hai ai goe? Doo aloha e bei de mama o de maluulu i taiao, ma de mee suungia o taiao e moolau laa teai.

Hebrews 12:18

Goodou tee loomai gi de mounga e maua laa i de poo ange aagena, ma de ula ai de ahi, ma de gohu boo dangodango, ma de gohugohu ma de madangi mmahi,