2 Peter 2:10 - De Beebaa Dabu

¹⁰ Gai mee nei e hai ange naa donu gi gilaadeu e hai hegau i denga lodo hakino gee, aama de hagangadi mee gilaadeu iai ssauaa e dagi ai. De gau bee nei e hagamaolunga, ma de hai alaadeu hai, gilaadeu e dee maatagu donu i de pasa baubau i de gau de langi mahamaha laa;

2 Peter 2:10 Referans Kwoze

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

Jude 1:10

Aagai de gau naa e pasa hagangadi mee i alaadeu mee e dee tonu ange aagena, gilaadeu e bei dagodo o denga manu e deai laa hagasaele, gai e hai donu huu maanadu e loage i olaadeu lodo, gai aalaa donu mee e daia gilaadeu ga maakau.

Jude 1:18

Gilaadeu ne hai adu gi goodou, “Denga laangi hagaodi naa huu gai gu loomai de gau doo mee, gai gilaadeu ga hai hegau i olaadeu lodo baubau laa.”

Exodus 22:28

Aude basa hagamalaia i de Maadua aabe go dahi dagi o doo huaadangada.

2 Peter 3:3

Gai deenei tahi mee hugadoo oodou e hai gi iloo: de gau doo mee e loomai naa ga doo mee i denga laangi hagaodi. Gilaadeu e daudali naa donu huu i olaadeu lodo dee heohi.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

Ephesians 5:5

Gai goodou gi iloo de mee nei: e deai dono se dangada hai be se manu, be se dangada dahulinga hakino gee, be se dangada nnoo hagamau mee (e bei se dangada e daumaha ange gi denga diinonga), e maua i de ulu i de nohoanga hodooligi o Klisdo ma de Maadua.

Luke 19:14

Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’

Hebrews 13:4

Goodou alodahi gi hagadubu ina de hai bodu, gai dangada gu hai bodu gi dee dagodo haisala. Go hiidinga de Maadua e hagaduasala donu tangada hai be se manu, ma dangada alodahi e dagodo haisala.

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

1 Corinthians 6:9

Goodou e dee iloo laa bolo dangada e haia mee dee heohi e dee maua donu i de ulu i de nohoanga hodooligi o de Maadua? Goodou gi dee daahangadia donu huu goodou: gilaadeu e dagodo haisala, ma gilaadeu e daumaha ange gi denga diinonga, ma gilaadeu e gaiaadia bodu o dangada, ma denga daane e dagodo haisala ma denga daane,

Acts 23:5

Aagai Paul ne hai ange, “Denga daina, au tee iloo donu bolo ia go tangada haimeedabu maolunga; go hiidinga gu sisi e hai ange, ‘Aude daalaa hanu muna baubau i tagi o doo huaadangada.’ ”

Ecclesiastes 10:20

Koe gi dee hagamalaia ina de hodooligi i oo lodo, aabe gi hagamalaia ina tangada lava i lo te aabi oou e seni ai; go hiidinga dahi manu lele o lo te moana e maua i de kave au muna, gai dahi manu lele e maua i de hagadele au muna e tala.

1 Thessalonians 4:7

Gai de Maadua tee hagahi gidaadeu gi haia mee hakino gee, gai ia ne hagahi gidaadeu gi hai hegau i tagodo e dabu.

2 Corinthians 10:3

Gai ga mouli naa donu gidaadeu i henua i lalo nei, aagai gidaadeu e dee hebagi bei dagodo de hebagi o henua i lalo.

Romans 8:1

Deenei ai, iainei gu deai donu se hagaduasala o dangada e mouli i lodo o Klisdo Iesu.

Jeremiah 2:31

Goodou de atangada nei, hagalaangona muna a Tagi Maolunga: E aha, au gu bei laa dagodo o de vao i daho Israel, aabe ne bei dahi henua gohu boo dangodango? Gai gu aha ogu dangada gu hagataba ai laa, ‘Gimaadeu gu ilaage i de hulo be go hee omaadeu e llodo e hulo aagena, gimaadeu e dee aahe ange e loomai gi de goe’?

Psalm 12:4

e hagataba laa, “Denga malaungudu nei go gimaadeu e huahua ai; e deai donu se dangada e dagina gimaadeu.”

1 Kings 12:16

De masavaa huu a de gau Israel alodahi ne gidee ai bolo de hodooligi tee hai gi bei alaadeu muna, gai gilaadeu ga hai ange gi de hodooligi, “E aha, e dahi amaadeu diba i daho David? E dahi amaadeu diba i daho tama a Jesse? De gau Israel, goodou aahe gi oodou mommee! David, diiloo ange donu huu doo huaabodu!” Gai de gau Israel alodahi ga aahe gi olaadeu mommee.

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

1 Samuel 10:27

Aagai hanu dangada baubau ne hagataba, “E maua nei donu taane nei i de hagaola gidaadeu?” Gai gilaadeu ne hagangadi mee a Saul, gilaadeu tee gaamai hogi hanu mee ngadi gaavange gi de ia. Gai a Saul ne golomagi ono lodo i mee nei.

Numbers 15:30

Aagai noo tangada se hagabau donu ga hagangadi mee ai Tagi Maolunga, e dee hilihili be se dangada de henua donu, aabe se dangada henua gee, gai tangada laa e vvae gee donu mai i daho ono dangada.

Genesis 49:6

Au e dee buni ange gi alaau hagasaele; au e dee daudali ange gi alaau hagatau, go hiidinga gilaau ne daa dangada ga maakau i delaau llili, gai ne vaivai hai denga kaau daane ga dee vaa seesee.

Ephesians 4:19

gu deai donu selaadeu dookaa, gai gu dugu ange olaadeu angaanga e hai ai denga dahulinga dagodo haisala, ma de llodo mmao e hai denga dahulinga hakino gee alodahi.

2 Timothy 3:2

Dangada e aaloha naa donu huu i gilaadeu, ma de nnoo ange gi sseene, ma de pasa hagamaolunga, ma de llodo maolunga, ma de hai samu o dangada, ma tee hagallongo ange gi olaadeu maadua, ma tee llodo e hagaahe ange de abodonu, ma tee dabu,

Luke 11:25

Gai de masavaa huu oona ne ahe mai ai, gai ia gu gidee bolo de mommee laa gu lava i de hagagilimalali ma gu hagadanuaa.