2 Peter 1:4 - De Beebaa Dabu

⁴ i dana gaamai gi gidaadeu denga hagatoo donu hagamogomogo ma de maolunga mmao, gi maua ai e goodou i de kave de dabu o de Maadua, gai goodou gu ola mai i hegau hakino gee o henua i lalo, i hiidinga o denga lodo dee heohi.

2 Peter 1:4 Referans Kwoze

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

Colossians 3:10

gai gu kahu i tangada hoou, e hagahoou laa i doodou iloo dagodo o de ia ne haia goodou.

Hebrews 12:10

Odaadeu damana e haele gidaadeu i dahi masavaa bodobodo, i tanuaa hugadoo alaadeu e mau; aagai de Maadua e haele gidaadeu, gi danuaa mai ai gi gidaadeu, gai gi dabu ai gidaadeu bei ono dagodo.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

2 Corinthians 6:17

Deenei ai, goodou hulo gee mai i olaadeu magavaa, gai vaaea gee goodou mai i gilaadeu, go Tagi Maolunga e hagadaba, gai goodou aude poo ange gi de mee hakino gee; gai au ga abodonu adu gi goodou,

Galatians 6:8

Go hiidinga tangada e dooa laa mee o de angaanga e hagihagi naa de magau; aagai tangada e dooa laa mee o de Hagasaalunga ⌊Dabu⌋ e hagihagi naa de mouli e dee ngado mai i daho de Hagasaalunga.

1 John 2:25

Gai deenei dana mee gu hagatoo donu mai gi gidaadeu: go de mouli e dee ngado mai.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

2 Corinthians 1:20

Gai denga hagatoo donu alodahi a de Maadua se “Uaa” i daho Klisdo. Deenei de hiidinga adaadeu e hagataba ai laa “Amen” i dono ingoo, gi hagamahamaha ina ai de Maadua.

Galatians 3:16

Denga hagatoo donu ne gaavange gi Abraham ma ono hagadiilinga. Gai tee hai ange, “ange gi denga hagadiilinga,” ni dangada soa; aagai ange gi dahi, “gai ange gi doo hagadiilinga,” go Klisdo.

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Ephesians 4:13

ga dae ai gi taadeu maua alodahi gi buni i de gai, ma de iloo mee o Tama Daane a de Maadua, gai gu maatua abodonu i de gai, bei dagodo de honu abodonu o Klisdo;

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

2 Peter 3:9

Gai Tagi Maolunga e dee hai mee mudumudu i de hagassula dana mee gu hagatoo donu ai, bei de hai a hanu e maanadu ai, gai e golomagi ono lodo i oodou hiidinga; ia e dee lodo dahi dangada daudahi gi magau, aagai dangada alodahi gi daahuli olaadeu lodo.

2 Peter 3:13

Aagai gidaadeu e tali de langi hoou ma henua i lalo hoou, gu lava laa i de hagatoo donu, go de mommee iai de heohi.