2 Kings 7:11 - De Beebaa Dabu

¹¹ Gai denga daane hagaloosi ga oo iho ga tala ange gi dangada i de hale o de hodooligi.

2 Kings 7:11 Referans Kwoze

2 Kings 7:10

Gai gilaadeu ga hulo ga hagahi denga daane e hagaloosi ina laa de haitoga o de aduhale, ga hai ange gi gilaadeu, “Gimaadeu ne hulo gi de mommee nnoho gaainga o de gau Syria, gai gimaadeu tee gidee aabe ne langona dahi dangada daudahi i kilaa. Denga hoosa ma denga donkey e noonooa i kilaa, gai denga hale malo gu ni ngadi hale donu huu.”

2 Kings 7:12

Gai de hodooligi ne hidi age i de boo laa, ga hai ange gi ono dangada hai hegau, “Au e tala adu nei gi goodou mee a de gau Syria gu hai e hebagi mai ai gi gidaadeu. Gilaadeu gu iloo bolo gu onge i kinei, deelaa ai, gilaadeu ne dugu delaadeu mommee nnoho gaainga, gai ga hulo ga mmuni i lodo henua. Gilaadeu ne maanadu bolo gidaadeu e sasao adu naa gi tua de aduhale e sala ai hanu gai, gai gilaadeu ga noonooa gidaadeu gai ga kave de aduhale.”