2 Kings 7:1 - De Beebaa Dabu

¹ Aagai Elisha ne hai ange, “Goodou hagalaangona muna a Tagi Maolunga: E hagadaba Tagi Maolunga: Daiao i de masavaa bee nei, gai dahi hagabaaunga pelaoaa lligi gu dahi donu huu shekel e hagao ai, gai e lua hagabaaunga barley gu dahi shekel e hagao ai, i gaogao de haitoga o de aduhale go Samaria.”

2 Kings 7:1 Referans Kwoze

Joshua 3:5

Gai Joshua ga hai ange gi dangada, “Haia gi gilimalali goodou, go hiidinga daiao gai Tagi Maolunga e hai naa denga mee hagalele mouli i oodou magavaa.”

Exodus 16:12

“Au gu langona de nnanu o de gau Israel. Koe daalaa ange gi gilaadeu, ‘De ahiahi, gai goodou e gai denga kano manu, gai taiao goodou e boobosu i denga pelaoaa. Gai gi iloo ai e goodou bolo go au donu go Iahweh doodou Maadua.’ ”

Ezekiel 37:4

Ia ne hai mai gi de au, “Basa pelaabisi ange gi denga ivi nei, hai ange, ‘Denga ivi mmasa nei, hagalaangona muna a Tagi Maolunga.

1 Samuel 11:9

Gai gilaadeu ne hai ange gi de gau hagailoo gu loomai laa ⌊i Jabesh⌋, “Goodou daalaa ange muna nei gi de gau Jabesh i Gilead, ‘Daiao, i de masavaa e hagavvela ai de laa, gai gimaadeu e loadu naa e hagaola goodou.’ ” Gai de masavaa huu o de gau hagailoo ne aahe ai, ga tala ange muna nei gi de gau Jabesh, gai gilaadeu gu malangilangi.

Exodus 14:13

Gai Moses ga hai ange gi de huaadangada, “Goodou aude maatagu! Gai goodou tuu i gaogao de vai ga tilo ai de hai a Tagi Maolunga e hagaola ai goodou ailaa nei. Gai goodou e dee aahe ange naa donu ga gidee de gau Egypt oodou e gide nei anailaa nei.

Psalm 46:5

De Maadua e noho i kilaa, de aduhale laa e dee maua naa donu gi baguu; gai de Maadua e bale ange de aduhale laa i de ao de mee.

Exodus 8:23

Gai au e hai naa gi dagodo gee dagu hai e hai ai dogu huaadangada ma doo huaadangada. Gai de hagailonga nei e hai naa daiao.’ ”

2 Kings 20:16

Gai Isaiah ga hai ange gi Hezekiah, “Noho mai hagalaangona muna a Tagi Maolunga:

Revelation 6:6

Gai au ne langona dahi mee be se leo i magavaa o denga mee mouli e haa laa, e hagadaba, “Dahi koada wheat se dahi denarius e hagao ai, gai e dolu koada barley se dahi denarius e hagao ai, gai koe aude hai moumou ina denga lolo ma uvaini!”

2 Kings 4:42

Gai dahi daane ne humai i Baal Shalishah ga gaamai e madalua duudangaa pelaoaa barley gi taane o de Maadua, mai i hua o ana barley ne maatua i mua, ma hanu grain hoou. Gai Elisha ga hai ange, “Gaavange mee naa e gaimee ai dangada.”

John 6:9

“E dahi gauligi daane i kinei e lima ana duudangaa pelaoaa barley aama e lua mamu, gai dee hee de hai e hai ai gi dohu dangada soa i mee nei?”

2 Kings 6:25

Gai gu hai de onge laumalie i de aduhale laa; gai ga daulooloa huu de hai de hebagi, gai de hagaoanga o de biho o dahi donkey gu se madavalu shekel selevaa e hagao ai, gai dahi diba i diba e haa o dahi cab o duudae o de manu kono gu lima shekel selevaa e hagao ai.

2 Kings 6:33

De masavaa a Elisha e basa ange ai gi gilaadeu, gai tangada hai hegau o de hodooligi gu dae mai ai gi kilaa. Gai de hodooligi ga hai ange, “De hai ngadaa nei se mee mai donu i daho Tagi Maolunga. Gai ni haigamaiana aha dagu tali ange gi Tagi Maolunga?”

Isaiah 1:10

Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

1 Kings 22:19

Gai Micaiah ne hai ange hogi, “Deenei ai, koe gi hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.

2 Kings 7:16

Gai dangada ga hulo ga hagabudu denga goloa i de mommee nnoho gaainga o de gau Syria. Gai dahi hagabaaunga pelaoaa lligi gu dahi donu huu shekel e hagao ai, gai e lua hagabaaunga barley gu dahi donu huu shekel e hagao ai, bei de hai a Tagi Maolunga gu tala ai laa.

1 Samuel 15:1

Gai Samuel ne hai ange gi a Saul, “Tagi Maolunga ne hai au gi humai gi hagadabu ina goe i de lodo, gai koe ga hodooligi ai i honga ono dangada, go de gau Israel; deenei ai, koe gi hagalaangona muna a Tagi Maolunga.