2 Kings 4:9 - De Beebaa Dabu

⁹ Gai de hine laa ga hai ange gi dono bodu, “Tilo, au e iloo donu bolo taane e dee modu nei de humai gi kinei, se daane dabu donu niio de Maadua.

2 Kings 4:9 Referans Kwoze

1 Kings 17:24

Gai de hine laa ga hai ange gi Elijah, “Iainei gai au gu iloo bolo koe se daane donu niio de Maadua, gai muna a Tagi Maolunga aau e tala ni muna abodonu.”

2 Kings 4:7

Gai de hine laa ga hano ga tala ange gi taane o de Maadua, gai ia ga hai ange, “Hannoo hagao ina gi daha denga lolo laa e hagao ai au muli, gai mee doe gai goodou ma luaau dama ga mouli ai.”

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

1 Peter 3:1

E bei ai hogi, denga haahine dau bodu, goodou hagadubu ina oodou bodu. Gai noo hanu gilaadeu tigi hagadonusia muna a de Maadua, gai gilaadeu e gaavee naa olaadeu lodo i hiidinga dahulinga danuaa a olaadeu bodu, e dee go alaadeu muna e tala,

Deuteronomy 33:1

Deenei de hai a Moses, taane hai hegau o de Maadua, ne hagamanuuia ai de gau Israel, i mua dono magau.

2 Peter 3:2

Gai goodou gi manadua muna gu tala laa madagidagi i daho denga pelaabisi dabu ma muna a Tagi Maolunga de Ia Hagaola gu tala mai laa i daho oodou dangada tala.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

1 Kings 13:1

Gai dahi daane o de Maadua ne humai i Judah gi Bethel, bei de hai a Tagi Maolunga gu tala ange ai laa, i de masavaa o Jeroboam e duu ai i gaogao de mommee o ssigidaumaha ma e dudu ai denga mee maanongi.

2 Chronicles 25:7

Aagai dahi daane o de Maadua ne humai ga hai ange gi de ia, “De hodooligi, aude gaavee denga daane hebagi o Israel madali goe, go hiidinga Tagi Maolunga e dee noho madali dangada o Israel, ma denga daane alodahi o Ephraim.