2 Kings 4:4 - De Beebaa Dabu

⁴ Gai koe ma luaau dama daane ga ulu gi lo te hale ga pono ange de abaaba, ga hhao denga ssaa laa alodahi gi hoohonu i lolo. Gai ga honu naa huu dahi, gai koe ga dugu gi daha.”

2 Kings 4:4 Referans Kwoze

Matthew 6:6

Gai noo goodou gu dalodalo, aagai goodou ulu gi lodo oodou aabi, ga pono de haitoga, aagai goodou ga dalodalo ange gi doodou Damana e dee gidee laa. Gai doodou Damana e gidee laa mee e dee gidee ga hagao adu goodou.

Ephesians 3:20

Gidaadeu gi duuhia de ia e maua laa i de hagahai hegau dono sauaa, gi kii ange i mee odaadeu e dangidangi ange ai aabe go adaadeu maanadu, bei dagodo o dono sauaa e hai hegau laa i odaadeu lodo,

Acts 9:40

Aagai Peter ga hai gilaadeu alodahi gi ssao gi duaahaho, gai ia ga duuduli ga dalodalo, gai ia ga huli ange gi de angaanga, ga hai ange, “Tabitha, hidi age.” Aagai de hine laa gu aala luoono mada, gai de masavaa huu aana ne gidee ai Peter gai ia ga noho age gi lunga.

John 6:11

Gai Iesu ga poo mai denga duudangaa pelaoaa, gai ga lava huu i dono dalodalo, gai ia ga duha ange gi dangada gu noho laa gi lalo. Ia ne duha ange hogi denga mamu, gai dangada ga gaimee ai gu boobosu.

Mark 5:40

Gai gilaadeu ga kada i de ia. Aagai dua huu dana hai dangada alodahi gi ssao gi duaahaho, gai ia ga kave luu maadua o tamaa hine laa, ma denga dangada agoago ne loomai laa madali ia, ga ulu ai gi lo te mommee o tamaa hine laa e dagodo ai laa.

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

2 Kings 4:3

Elisha ne hai ange gi de ia, “Hannoo dangidangi ange gi dangada alodahi e paa adu gi de goe, gilaadeu gi gaavadu hanu ngadi ssaa maau, gai koe ga hagabudu gi lagolago au ssaa.

2 Kings 4:5

Gai de hine laa ga hano gee mai i ono daha. Muli mai gai gilaadeu ma luaana dama daane ne pono ange delaadeu abaaba. Gai luaana dama ga gaamai denga ssaa laa gi delaau dinana, gai ia ga hhao gu hoohonu i denga lolo.