2 Kings 4:2 - De Beebaa Dabu

² Gai Elisha ne ssili ange gi de hine laa, “Se aha aagu e hai e bale adu ai goe? Daalaa mai be ni aha e hanu i doo hale.” Gai de hine laa ga hai ange, “E deai ange donu mee i de hale o doo hahine hai hegau, gai se ssaa donu huu iai hanu lolo.”

2 Kings 4:2 Referans Kwoze

1 Kings 17:12

Gai de hine laa ga hai ange, “Au e hai adu i de mouli o Tagi Maolunga, doo Maadua, bolo e deai donu agu pelaoaa mmoa, gai ni momo pelaoaa mada donu huu e doe i lo te ssaa, ma hanu momo lolo i lo te ssaa. Gai au e hano nei ma e hagabudu hanu lahhie e dunu ai momo mee e doe laa, e gai gimaau ma dagu dama daane, muli mai gai gimaau ga maakau ai.”

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

2 Kings 2:9

De masavaa huu olaau ne tae ai gi de baasi laa de vai, gai Elijah ga hai ange gi Elisha, “Daalaa mai be se aha aagu e hai adu maau, i mua dogu gaavee gee mai i oo daha.” Gai Elisha ga hai ange, “Au e dangidangi adu koe gi gaamai gi de au e lua diba o doo hagasaalunga.”

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

Acts 3:6

Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!”

Matthew 15:34

Iesu ne ssili ange hogi gi gilaadeu, “E hia pelaoaa i oodou daha?” Gilaadeu ne hai ange gi de ia, “E hidu, gai e hia hogi mamu vaaligi.”

2 Kings 4:3

Elisha ne hai ange gi de ia, “Hannoo dangidangi ange gi dangada alodahi e paa adu gi de goe, gilaadeu gi gaavadu hanu ngadi ssaa maau, gai koe ga hagabudu gi lagolago au ssaa.

Exodus 4:2

Gai Tagi Maolunga ga ssili ange gi Moses, “Se aha aau e poo naa i doo lima?” Gai Moses ga hai ange, “Se dogo.”