2 Kings 3:12 - De Beebaa Dabu

¹² Jehoshaphat ga hai ange, “Ia e maua naa i de tala mai muna a Tagi Maolunga.” Gai de hodooligi o Israel ma Jehoshaphat, aama de hodooligi o Edom ne loiho gi daho Elisha.

2 Kings 3:12 Referans Kwoze

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

2 Kings 5:15

Gai ia ga ahe gi daho taane o de Maadua madali dangada alodahi ne loomai laa madali ia, ga duu i mada i mua o taane laa ga hai ange, “Tilo, au e iloo bolo e deai ange donu se Maadua abodonu i henua i lalo, go Israel donu huu. Aude haihaia gaavee denga mee ngadi gaavange nei mai i daho doo dangada hai hegau.”

2 Kings 2:21

Gai ia ga hano iho gi de mommee iai de vai ga maga ange soolo laa gi lo te vai, ga hai ange, “E hagadaba Tagi Maolunga, ‘Au gu hai vai nei gi danuaa. Gai gu dee ahe ange naa donu e hai gi maakau dangada aabe hai gi dee ssomo denga manu.’ ”

2 Kings 3:11

Gai Jehoshaphat ga ssili ange, “E dahi nei pelaabisi o Tagi Maolunga i kinei, adaadeu e maua ai i de ssili gi iloo lodo o Tagi Maolunga i ono daha?” Gai dahi dagi o denga daane o de hodooligi o Israel ne hai ange, “Elisha, tama daane a Shaphat i kinei. Go ia taane nogo liingia ange vai gi luu lima o Elijah.”

2 Kings 3:13

Gai Elisha ga ssili ange gi de hodooligi o Israel, “Gu aha gu humai ai naa goe gi ogu daha iainei? Hannoo gi daho denga pelaabisi o doo damana ma doo dinana.” Gai de hodooligi ga hai ange gi de ia, “E deai, i hiidinga Tagi Maolunga ne hagabuni ina mai denga hodooligi e dogodolu nei e gaavange gi de gau Moab gi hagadee kii ina.”

Jeremiah 37:17

Gai de hodooligi go Zedekiah ga hai hanu gi hulo gi daangia age ia gi gaamai gi ono daha. Gai de hodooligi ne ssili hagammuni ange gi Jeremiah i dono hale, ga hai ange, “Gu hanu naa muna aau ne langona mai i daho Tagi Maolunga?” Gai Jeremiah ne hai ange, “Gu hanu! Koe e boogia naa ga gaavange gi de hodooligi o Babylon.”