2 Kings 24:1 - De Beebaa Dabu

¹ De masavaa o Jehoiakim ne hodooligi ai, gai Nebuchadnezzar, de hodooligi o Babylon, ne humai ga hebagi ange gi de henua, gai Jehoiakim ne hai hegau ange gi de ia i e dolu ngadau. Muli mai gai Jehoiakim ne sui dana maanadu, ga hai baasi ange gi Nebuchadnezzar.

2 Kings 24:1 Referans Kwoze

Daniel 1:1

Tolu ngadau huu o Jehoiakim ne hodooligi ai i Judah, gai de hodooligi o Babylon go Nebuchadnezzar ne humai ga hebagi ange gi Jerusalem.

Jeremiah 25:1

Gai ia ne hagaago ange gi Jeremiah dagodo o dangada alodahi o Judah, i de haa ngadau o Jehoiakim tama a Josiah, de hodooligi o Judah. Deenei tahi ngadau o Nebuchadnezzar, de hodooligi o Babylon.

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 46:2

Dagodo o Egypt. Dagodo o de hagabuulinga hebagi o Pharaoh Neco, de hodooligi o Egypt, go ia a Nebuchadnezzar, de hodooligi o Babylon ne hagadee kii laa i Carchemish i gaogao ssaalingaa vai go Euphrates, i de haa ngadau o Jehoiakim tama daane a Josiah ne hodooligi ai i Judah:

2 Kings 17:5

Gai de hodooligi o Assyria ne hebagi ange gi de henua alodahi, gai ia ne duuli luu baasi o Samaria i e dolu ngadau.

Jeremiah 35:1

Gai Tagi Maolunga ne hagaago ange gi Jeremiah, i laangi o Jehoiakim tama daane a Josiah, de hodooligi o Judah, ga hai ange,

Jeremiah 35:11

Aagai de masavaa huu o Nebuchadnezzar, de hodooligi o Babylon ne humai ai ga hebagi ange gi de henua, gai gimaadeu ne hagataba, ‘Loomai, gidaadeu ga hulo gi Jerusalem i hiidinga gidaadeu e maatagu i de hagabuulinga hebagi o de gau Babylon, ma de hagabuulinga hebagi o de gau Syria.’ Aanei omaadeu mee gu nnoho ai nei i Jerusalem.”

Jeremiah 36:1

Gai de haa ngadau huu o Jehoiakim tama daane a Josiah ne hodooligi ai i Judah, gai Tagi Maolunga ne hagaago ange muna nei gi Jeremiah, ga hai ange,

Jeremiah 45:1

Gai aanei muna a de pelaabisi go Jeremiah ne tala ange gi Baruch tama daane a Neriah, i de haa ngadau o Jehoiakim tama daane a Josiah, de hodooligi o Judah, i dua de sisi a Baruch muna a Jeremiah ne tala ange gi de ia i lo te beebaa mulo:

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

Ezekiel 21:14

Deenei ai, tama a tangada, basa pelaabisi, ma de baabaa luoo lima. Gai de gadilaasa gi daia i e lua hanonga, aabe e dolu hanonga. De gadilaasa se mee e daia gi maakau dangada, se gadilaasa e daa ai dangada soa, ma de duuli gilaadeu i denga baasi alodahi.

Daniel 1:2

Gai de Ia Aamua ne dugu ange ia gi hagadee kii ina de hodooligi o Judah go Jehoiakim, ma de kave hanu goloa mai i de hale o de Maadua. Ia ne kave mee nei ga dugu i lo te hale daumaha o dono diinonga i Babylon.

2 Kings 24:20

Mee nei ne hai i hiidinga de lili o Tagi Maolunga i Jerusalem ma Judah, gai ia ne hai gilaadeu gi hulo gee mai i mada luoono mada. Gai Zedekiah ne hai baasi ange gi de hodooligi o Babylon.

2 Chronicles 36:1

Gai dangada o de henua ga hai Jehoahaz tama daane a Josiah gi suuia dono damana gi hodooligi ai i Jerusalem.

Ezra 4:12

De hodooligi, koe gi iloo bolo de gau Ssuu ne aahe mai nei i oo daha gi Jerusalem, gilaadeu gu hagaahe age de aduhale hagamaolunga nei ma de baubau. Gilaadeu gu hagaduu age ange de buibui ma denga dagelo.

Isaiah 36:5

Koe e maanadu bolo hanu ngadi muna e maua i de bale adu goe i de hebagi? Goai aau e tali hagalodolodo ange naa aagena, gai koe ga hai baasi mai ai naa gi de au?

Ezekiel 19:8

Gai denga huaahenua ne hagadabena e hebagi ange gi de ia, ma gilaadeu i denga mommee i ono gaogao. Gilaadeu ne buulou ia i delaadeu galauna, gai ia gu haaoa gi lo te laadeu geelinga.

Habakkuk 1:6

Gai tilo, au e hai naa gi mmahi de gau Babylon, go de huaahenua hagamaatagu ma de moolau olaadeu lodo, gilaadeu e hagadaga naa i henua i lalo alodahi, ga kave denga mommee nnoho e dee niiolaadeu.