2 Kings 2:9 - De Beebaa Dabu

⁹ De masavaa huu olaau ne tae ai gi de baasi laa de vai, gai Elijah ga hai ange gi Elisha, “Daalaa mai be se aha aagu e hai adu maau, i mua dogu gaavee gee mai i oo daha.” Gai Elisha ga hai ange, “Au e dangidangi adu koe gi gaamai gi de au e lua diba o doo hagasaalunga.”

2 Kings 2:9 Referans Kwoze

Numbers 11:17

Gai au e hano iho naa ga basa adu gi de goe i kilaa; gai au e kave naa hanu mahi mai i daho de Hagasaalunga i oo daha naa ga gaavange gi gilaadeu; gai gilaadeu ga bale adu ai goe ga hagauda daemaha o dangada, gi dee go koe ai donu huu e hagauda ina taemaha naa.

Deuteronomy 21:17

Aagai ia gi hagadubu ina hogi tama daane madua a de hine oona e dee aloha ai, ga hai dana diba e kave mai i ana mee alodahi gi lua hanonga e kii ange ai. Go hiidinga go tama aana ne hagadili i dono masavaa e dama daane ai. Gai de boolonga o de ganimua gu gaavange gi de ia.

John 16:7

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha.

Acts 8:17

Gai de masavaa huu a Peter ma John ne dugu ange ai olaau lima gi olaadeu elunga, gai gilaadeu gu kave hogi de Hagasaalunga Dabu.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Numbers 11:25

Gai Tagi Maolunga ga hano iho mai i lo te hagausinga laa ga basa ange gi Moses, gai ia ga kave hanu mahi o de Hagasaalunga i daho Moses ga gaavange gi denga daane maatua e dinohidu laa. Gai de masavaa huu o de Hagasaalunga ne noho ai i olaadeu daha, gai gilaadeu ga pasa pelaabisi, aagai gilaadeu tee aahe ange e pasa pelaabisi i muli mai.

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

1 Corinthians 12:31

Aagai goodou gi llodo mmao i denga duuhanga e kii ange laa de hagamogomogo. Aagai au e hagaago adu gi goodou de mee danuaa hugadoo.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Zechariah 9:12

Goodou e nnoho i lo te hale pono, e dahi donu oodou tali, aahe gi de mommee buibui makaga; ailaa nei gai au e tala adu bolo au e hagaahe adu naa doodou manuuia ga hai gi lua hanonga e kii ange ai.

Psalm 72:20

Deenei de hagaodi dalodalo a David, tama daane a Jesse.

1 Kings 3:9

Gaamai gi de au, doo dangada hai hegau, de heiangi e dagi ai oo dangada, gi maua ai e au i de vvae de mee danuaa mai i de mee baubau. Gai goai e bau ange gi de dagi doo huaadangada soa?”

Deuteronomy 34:9

Gai Joshua tama daane a Nun gu honu i de hagasaalunga o de heiangi, go hiidinga Moses ne dugu ange luoono lima gi ono elunga. Gai de gau Israel ne daudali i ana muna, bei de hai a Tagi Maolunga gu tala ange ai laa gi Moses.

Psalm 72:1

De Maadua, agoagona ange de hodooligi i dau hagamodu muna heohi, gai agoagona ange doo heohi gi dama a de hodooligi.

1 Kings 19:16

Gai koe ga hagadabu hogi Jehu, tama daane a Nimshi, gi hodooligi i Israel, ma de hagadabu Elisha, tama daane a Shaphat, taane Abel Meholah, gi suuia goe e hai ai hegau a de pelaabisi.