2 Kings 2:8 - De Beebaa Dabu

⁸ Gai Elijah ne hagaui dono malo laa daha ga hagaili ai honga de vai. Gai vai laa gu vvae lua, hanu gu hulo gi de madau, gai hanu gi de masui, gai gilaau ga seesee laa lo te mommee masa laa ga hulo ai gi de baasi gee.

2 Kings 2:8 Referans Kwoze

1 Kings 19:19

Gai ga hano gee huu Elijah i kilaa, gai ia gu gidee Elisha tama daane a Shaphat. Ia e hagabalabala dana veelenga i e madalua ma haa kaau gu noonooa dagilua laa, gai ia e hagahai hegau madali luu kaau hagaodi. Gai Elijah ne hano ga seesee ange laa ono gaogao, ga hagaui dono malo laa daha ga maga ange gi honga o Elisha.

2 Kings 2:14

Gai ia ga hai de malo laa daha ne doo iho laa i daho Elijah, ga hagaili ai honga de vai, ga hagadaba, “I hee iai Iahweh, de Maadua o Elijah?” Gai de masavaa huu aana ne hagaili ai honga de vai, gai denga vai laa gu vvae lua; hanu ne hulo gi de madau gai hanu gi de masui, gai ia ga seesee ga hano gi de baasi laa.

Hebrews 11:29

De gai o de gau Israel ne haia ga maua e gilaadeu i de seesee laa lo te Dai Mmea, bei delaadeu seesee i honga de gelegele mmasa. Aagai de masavaa huu o denga daane hebagi o Egypt ne hagatale ai de hulo laa lo te vai laa, gai gilaadeu gu odi i de maalemo.

Isaiah 11:15

Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

1 Kings 19:13

Gai de masavaa huu a Elijah ne langona ai de leo laa, gai ia ga haoli luoono mada i dono malo laa daha ga sao mai ga duu i ma te haonga laa. Gai tilo, dahi leo ne ssili ange gi de ia, “Elijah, ni aha aau e hai naa i kinei?”

Revelation 16:12

Gai de ono dangada de langi ne llingi iho mee i lo tana boolo gi honga de vai laumalie go Euphrates, gai de vai laa gu masa, e hai ai de haiava e hagadabena ange gi denga hodooligi mai i baasi dua.

Hebrews 11:37

Gilaadeu ne magaa ga maakau i hadu; hanu ne soaa ga modumodu lua, hanu ne daia ga maakau i de gadilaasa. Gai gilaadeu ne kahu i gili o denga ssiibi ma guudi ga hulo saele ai, ne duasala ma de vaivai haia,

Exodus 14:29

Aagai de gau Israel ne seesee i honga de gelegele mmasa i lo te ungaalodo o de vai; gai denga vai gu budubudu age gi lunga i de baasi madau aama de baasi masui.

1 Samuel 28:14

Gai a Saul ga ssili ange gi de hine laa, “Aahee ono hoolinga?” Gai de hine laa ga hai ange, “Dahi daane madumadua e sao age i lo te gelegele; gai e gahu i dahi malo laa daha.” Gai a Saul gu iloo bolo go Samuel donu deelaa, gai ia ga duuduli ga ino gi honga de gelegele ga hagadubu ia.