2 Kings 2:3 - De Beebaa Dabu

³ Gai dahi hagabuulinga o denga pelaabisi i Bethel, ne loomai gi daho Elisha, ga ssili ange gi de ia, “Koe e iloo naa bolo Tagi Maolunga gu dai kave gee naa doo dangada aamua ailaa nei?” Elisha ne hai ange, “Uaa, au e iloo, goodou aude daalaa hanu muna i de mee nei.”

2 Kings 2:3 Referans Kwoze

2 Kings 4:38

Gai Elisha ne ahe gi Gilgal, i de masavaa e onge ai honga de henua laa. Gai dahi hagabuulinga o denga pelaabisi ga loomai gi ono daha, gai ia ga hai ange gi dono dangada hai hegau, “Dugua ange de anibada laumalie gi honga de ahi mage haia dahi suba e gai de hagabuulingaa daane pelaabisi nei.”

2 Kings 4:1

Gai de bodu o dahi daane mai i de hagabuulinga o denga pelaabisi ne humai ga dangi ange gi Elisha, ga hai ange, “Koe e iloo bolo doo dangada hai hegau, go dogu bodu, gu magau; gai ia se daane e madagu i Tagi Maolunga. Aagai tangada oona e muli ange aagena gu humai e kave luaagu dama e hai ai luoono dangada hai hegau, e hagao ai ana muli.”

2 Kings 9:1

Gai Elisha ga hagahi dahi mai i de hagabuulinga o denga pelaabisi, ga hai ange gi de ia, “Hagabigibigi age oo malo gi doo daogubu, mage gaavee dahi manu lolo madali goe hannoo ai gi Ramoth i Gilead.

1 Kings 20:35

Gai dahi daane mai i de hagabuulinga o denga pelaabisi ne hai ange gi dahi ono soa, bei dagodo muna a Tagi Maolunga, “Aude haihaia, hagailihia donu au.” Gai taane laa tee sabala gi hagailihia ia.

Acts 22:3

“Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Isaiah 8:18

Tilo, gimaadeu ma dama a Tagi Maolunga gu gaamai gi de au ni hagailonga gai se ada ange gi Israel, mai i daho Tagi o denga hagabuulinga hebagi, go de ia e noho i honga de mounga go Zion.

2 Kings 5:22

Gehazi ga hai ange, “Mee alodahi e odi i tanuaa! Gai dogu dangada aamua ne hai au gi humai gi hai adu, ‘E dogolua daane de hagabuulinga o denga pelaabisi gu loomai i de mommee iai mounga o Ephraim gi ono daha. Aude haihaia, gaamai e lua talent selevaa ma e lua malo danuaa moolaau.’ ”

2 Kings 2:15

Gai de hagabuulinga o denga pelaabisi mai i Jericho e tuu laa ma e haaina adu ia, ne hagataba, “De hagasaalunga o Elijah gu noho i daho Elisha.” Gai gilaadeu ga hulo ga hedae ange gi de ia, ga ino gi honga de gelegele i ono mada i mua.

2 Kings 2:7

Gai tinolima pelaabisi laa ne loomai ga tuu i dahi mommee mmao, ga huuhuli ange ai gi Elijah ma Elisha, i de masavaa olaau e tuu ai i gaogao ssaalingaa vai go Jordan.

2 Kings 2:5

Gai de hagabuulinga o denga pelaabisi i Jericho ne loomai gi daho Elisha, ga ssili ange gi de ia, “Koe e iloo naa bolo Tagi Maolunga e kave gee naa doo dangada aamua ailaa nei?” Gai ia ga hai ange, “Uaa, au e iloo, goodou aude daalaa hanu muna.”

1 Kings 18:4

gai de masavaa a Jezebel ne daa ai ga maakau denga pelaabisi o Tagi Maolunga, gai Obadiah ne kave e lau pelaabisi ga hagammuni, i lodo e lua haonga i gaogao de mounga, e dagidinolima i de haonga, gai ia ne gaamai denga gai ma vai ga haangai ai gilaadeu.)

1 Samuel 19:20

gai ia ga hai hanu dangada gi hulo gi boogia ia. Aagai gilaadeu ne gidee dahi hagabuulingaa daane pelaabisi e pasa pelaabisi, gai Samuel delaadeu dagi e duu madali gilaadeu, gai de Hagasaalunga o de Maadua ga hano iho gi honga o denga daane hai hegau o Saul, gai gilaadeu gu pasa pelaabisi hogi.

Deuteronomy 33:3

Ni muna abodonu, koe e aloha i oo dangada; koe e daohi oo dangada dabu alodahi i doo lima. Gilaadeu alodahi e ino i gaogao luoo vae, ma de hagallongo muna mai i oo daha.

1 Samuel 10:5

Dua naa huu mee nei gai koe ga hano gi Gibeah o de Maadua, go de mommee iai dahi hagabuulinga hebagi o de gau Philistia. Gai ga dae naa huu goe gi de aduhale laa, gai koe e hedae ange gi dahi hagabuulingaa pelaabisi e daga iho i de mommee daumaha ma de hagadangidangi i denga lyre, ma tambourine, ma flute, aama harp, gai gilaadeu e pasa pelaabisi.

2 Kings 6:1

De masavaa laa gai de hagabuulinga o denga pelaabisi ne hai ange gi Elisha, “De mommee odaadeu e nnoho ai nei e dee oo ai gidaadeu.

Amos 7:14

Gai Amos ga hai ange gi Amaziah, “Au e dee se pelaabisi aabe se dama ni dahi pelaabisi, aagai au se dangada hagaloosi manu, gai se dangada hogi e diiloo ange hua o denga sycamore,