2 Kings 2:2 - De Beebaa Dabu

² Gai Elijah ne hai ange gi Elisha, “Au e dangidangi adu, noho i kinei, go hiidinga Tagi Maolunga gu hai mai au gi hano gi Bethel.” Aagai Elisha ne hai ange, “Au e hagatoo donu i de mouli o Tagi Maolunga ma doo mouli, bolo au e dee hano gee donu i oo daha.” Gai gilaau ga hulo ai loo gu tae gi Bethel.

2 Kings 2:2 Referans Kwoze

2 Kings 2:6

Dua mee laa, gai Elijah ne hai ange hogi gi Elisha, “Aude haihaia, koe gi noho i kinei, go hiidinga Tagi Maolunga gu hai mai au gi hano gi ssaalingaa vai go Jordan.” Aagai Elisha ga hai ange, “Au e hagatoo donu i de mouli o Tagi Maolunga ma doo mouli, bolo au e dee tili donu goe.” Gai gilaau ga hulo ai loo.

2 Kings 4:30

Gai tinana o tama daane laa ne hai ange, “Au e hagatoo donu i de mouli o Tagi Maolunga aama doo mouli, bolo au e dee hano gee naa donu mai i oo daha.” Deelaa ai, Elisha ne hano madali de hine laa.

2 Kings 2:4

Elijah ne hai ange hogi gi de ia, “Elisha, au e dangidangi adu, noho i kinei; go hiidinga Tagi Maolunga gu hai mai au gi hano gi Jericho.” Elisha ne hai ange, “Au e hagatoo donu i de mouli o Tagi Maolunga aama doo mouli, bolo au e dee tili donu goe.” Gai gilaau ne hulo gu tae gi Jericho.

1 Samuel 1:26

Gai de hine laa ga hai ange gi de ia, “Dogu dangada aamua! Au e hagatoo donu i doo mouli bolo go au de hine ne duu laa i kinei ga dalodalo ange ai gi Tagi Maolunga.

Jeremiah 4:2

gai noo koe e hagatoo donu i de mee abodonu, ma de hagamodu heohi aama de heohi, ga hagadaba, ‘Au e hagatoo donu i de mouli o Tagi Maolunga,’ gai au e hai naa ga manuuia denga huaahenua, gai gilaadeu ga tuhi ai au.”

1 Kings 12:33

Gai ia ne hanage gi de mommee o ssigidaumaha aana ne hagaduu laa i Bethel, i de madaangahulu ma lima laangi o de valu malama, go de malama aana ne hilihili. Gai ia ga hai dahi daonga ange gi de gau Israel, gai ia ga hanage gi de mommee o ssigidaumaha ga hai ai denga sigidaumaha.

1 Samuel 25:26

Deenei ai, dogu dangada aamua, au e hagatoo donu i de mouli o Tagi Maolunga ma doo mouli: go hiidinga Tagi Maolunga ne daohi goe gi dee daia gi maakau dangada, ma de daohi goe gi dee sui ange alaadeu mee gu hai, deenei ai, oo hagadaumee aama gilaadeu e nnoho e haia adu de baubau gi de goe gi bei dagodo o Nabal.

Genesis 28:19

Gai ia ga hagaingoo ange de mommee laa go Bethel; i mua gai de ingoo o de aduhale laa go Luz.

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

1 Kings 12:29

Gai ia ne kave dahi kaau laa ga hagaduu i Bethel, gai dahi ne kave ga hagaduu i Dan.

1 Samuel 17:55

De masavaa a Saul ne gidee ai de hano o David ga hebagi ange gi taane Philistia laa, gai ia ga ssili ange gi tagi o denga daane hebagi go Abner, “Abner, niiai tama daane laa?” Gai Abner ne hai ange, “De hodooligi, au e hagatoo donu i doo mouli, bolo au e dee iloo.”

1 Kings 12:28

Gai Jeroboam ne madaangudu ange gi ono daane bale, gai ia ga hai e lua kaau goolo. Gai ia ga hai ange gi dangada, “Gu lava oodou hulo gi Jerusalem e daumaha ai. De gau Israel, goodou kalo ange diiloo, aanei diinonga ne hagassao ina mai goodou i de henua go Egypt.”

2 Kings 2:23

Gai Elisha ne hano gee i kilaa ga hano gi Bethel. De masavaa oona e seesee ai ma e hano i honga de haiava, gai hanu gauligi daane ne loomai i de aduhale ga doo mee i de ia, ga hai ange, “Taane sula tumuagi, hannoo donu! Taane sula tumuagi, hannoo donu!”