2 Kings 2:12 - De Beebaa Dabu

¹² Gai ga gidee huu e Elisha de mee laa, gai ia ga oo ga hai ange, “Dogu damana! Dogu damana! Denga hada hebagi ma denga daane e kage i hoosa o Israel!” Gai Elisha tee gidee ange Elijah. Gai ia ga poo ono malo ga ssae.

2 Kings 2:12 Referans Kwoze

2 Kings 13:14

Gai de masavaa huu o Elisha ne magi ai ga dai magau, gai Jehoash, de hodooligi o Israel ga humai gi ono daha, gai ia ga oo ga hagadaba, “Dogu damana, dogu damana! Denga hada hebagi o Israel ma daane e saavini ai!”

Revelation 11:12

Gai gilaau gu langona dahi leo laumalie mai i de langi e hai ange gi gilaau, “Gooluu loomai gi kinei!” Gai gilaau gu loage gi de langi i de giliiga i madamada o olaau hagadaumee alodahi.

Ephesians 4:8

Deelaa ai, gu sisi e hai ange, “Dono masavaa ne hanage ai gi de mommee maolunga, gai ia ne kave de gau dee kii soa madali ia, ma de gaavange mee ngadi gaavange gi dangada.”

2 Corinthians 5:4

De masavaa odaadeu e mouli ai i lo te hale malo nei, gai gidaadeu e duasala ma de daemaha — e dee go hiidinga gidaadeu e llodo gi gaavee gee odaadeu angaanga nei, aagai gidaadeu e llodo e kahu i de hale ange laa, gai de angaanga magaugau nei e sui naa ga se angaanga e mouli.

2 Corinthians 5:2

Gidaadeu e duasala i taadeu nnoho i lo te hale nei, gai e kona mmao taadeu llodo e kahu i odaadeu mommee nnoho i de langi,

Acts 8:2

Gai gilaadeu gu hagadonusia laa ne kave de angaanga o Stephen ga danu ma de tangi i de ia.

Acts 1:9

Dua huu dana tala ange muna laa gi gilaadeu, gai ia gu gaavage gi de langi, i de masavaa alaadeu e daumada ai ia, gai de giliiga ne haoli ia gu dee gidee.

John 3:13

Tigi ai donu se dangada ne hanage gi de langi, aagai go Tama a Tangada donu huu ne hano iho laa i de langi.

Luke 24:51

Gai de masavaa aana e hagamanuuia ai gilaadeu, gai ia gu kave gee mai i olaadeu daha ga gaavage gi de langi.

Luke 2:15

Gai ga aahe huu de gau de langi laa gi de langi, gai de gau hagaloosi ssiibi ga pasa i olaadeu magavaa ga hagataba, “Gidaadeu ga hulo gi Bethlehem e tilo ai mee a Tagi Maolunga gu hagaago mai nei bolo gu hai i kilaa.”

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Isaiah 37:21

Gai Isaiah tama daane a Amoz ne aalu gi Hezekiah, ga hai ange, “E hagadaba Tagi Maolunga, de Maadua o Israel: Go hiidinga koe ne dalodalo mai gi de au i dagodo o Sennacherib, de hodooligi o Assyria,

Isaiah 37:15

Gai Hezekiah ga dalodalo ange gi Tagi Maolunga, ga hai ange,

Proverbs 30:4

Goai gu hanage gi de langi ma gu ahe iho? Goai gu boogia de madangi i lodo luoono lima? Goai gu sabinia denga vai i dahi malo? Goai ne hagatuulia dege o henua i lalo? Goai dono ingoo, gai goai de ingoo o dana dama? Daalaa mai noo koe e iloo!

Acts 27:24

ga hai mai, ‘Paul, aude madagu, koe e duu naa donu i mada i mua o Caesar. Gai tilo, de Maadua e hagaola hogi mouli o dangada alodahi i honga de vaga madali goe.’

Isaiah 37:4

Kana adu Tagi Maolunga doo Maadua e hagallongo naa muna a de Rabshakeh, go muna a dono dangada aamua, go de hodooligi o Assyria ne hagailoo mai, ma de basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Ecclesiastes 7:19

De heiangi e hai tangada heiangi gi mmahi ange i e dinoangahulu dagi o dahi aduhale.

Proverbs 11:11

De manuuia o olaadeu e heohi e hai ga hagadagadaga age de aduhale, aagai muna a de gau baubau e oha de aduhale.

De Beebaa go Job 22:30

Ia e hagaola donu hogi tangada tigi haisala, gai ia e hagaola naa i hiidinga luoo lima e gilimalali.”

Genesis 37:34

Gai Jacob ga ssae ono malo, gai ia ga gahu i malo daladala ga hinangalosaa ai i dana dama i hanu laangi lagolago.

2 Kings 2:13

Gai ia ga poo age de malo laa daha ne doo iho laa i daho Elijah, gai ia ga ahe ga duu i gaogao ssaalingaa vai go Jordan.

2 Kings 5:13

Aagai ono daane hai hegau ne loomai ga hai ange gi de ia, “Demaadeu damana, noo de pelaabisi ne hai adu koe gi hano gi haia dahi hegau hai ngadaa, gai koe ne hai donu ga bei. Gai ia tee hai adu laa donu huu, ‘Hannoo gaugau gi ieiangi ai goe’?”

2 Kings 6:21

De masavaa a de hodooligi o Israel ne gidee ai gilaadeu, gai ia ga hai ange gi Elisha, “Dogu damana, e maua e au i de daa gilaadeu gi maakau? E maua e au i de daa gilaadeu gi maakau?”

Genesis 5:24

Gai Enoch ne seesee madali de Maadua, gai ia gu dee maleva, i hiidinga de Maadua gu kave gee ia.

Judges 17:10

Gai Micah ga hai ange gi de ia, “Noho i ogu daha e hai ai dogu damana ma dogu dangada haimeedabu, gai au ga hagao adu goe i e madaangahulu dibaa selevaa i dahi ngadau, ma de gaavadu hanu malo moou ma de haangai adu goe.”