2 Kings 12:3 - De Beebaa Dabu

³ Gai denga mommee daumaha tee oha donu; gai dangada ne duudagi de hai alaadeu sigidaumaha ma de dudu mee maanongi i denga mommee daumaha laa.

2 Kings 12:3 Referans Kwoze

2 Kings 14:4

Gai denga mommee daumaha tee oha donu; gai dangada ne duudagi de hai alaadeu sigidaumaha, ma de dudu denga mee maanongi i denga mommee daumaha laa.

2 Kings 18:4

Ia ne aau gee denga mommee daumaha, ma de oha denga duludulu hadu ma de duuduu iho denga duludulu laagau o Asherah. Ia ne oha hogi de labodo bronze a Moses ne hai laa, go hiidinga de gau Israel ne duudagi de dudu denga mee maanongi e hagadubu ai de labodo laa. Gai de labodo laa e hagaingoo ange go Nehushtan.

2 Kings 15:35

Gai ia tee oha donu denga mommee daumaha; gai dangada ne duudagi de hai alaadeu sigidaumaha ma de dudu mee maanongi i denga mommee daumaha laa. Gai Jotham ne hagaduu age ange de haitoga e mua gi lunga o de hale o Tagi Maolunga.

1 Kings 22:43

Gai ia ne ago ange i hegau alodahi a dono damana go Asa, ia tee hano gee ai donu; ia ne hai hegau i de heohi i mada luu mada o Tagi Maolunga. Aagai denga mommee daumaha tee oha donu, gai dangada ne duudagi de hai alaadeu sigidaumaha ma de dudu mee maanongi i denga mommee daumaha laa.

1 Kings 15:14

Aagai ia tee aau gee denga mommee daumaha. Aagai Asa ne daudali ange i Tagi Maolunga i ono lodo alodahi, i taulooloa dono mouli.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

2 Chronicles 31:4

Gai ia ga hai ange gi dangada e nnoho i Jerusalem gilaadeu gi gaavange duuhanga o de gau haimeedabu ma denga daane de aamuli o Levi, gi maua ai e gilaadeu i de hagassula hainga a Tagi Maolunga.

2 Kings 12:2

Gai Joash ne hai hegau i de heohi i mada luu mada o Tagi Maolunga i taulooloa dono mouli, go hiidinga tangada haimeedabu go Jehoiada ne agoago ange ia.

2 Kings 15:4

Gai denga mommee daumaha tee oha donu; gai dangada ne duudagi de hai alaadeu sigidaumaha ma de dudu mee maanongi i denga mommee daumaha laa.

1 Kings 15:11

Gai Asa ne hai hegau i de heohi i mada luu mada o Tagi Maolunga, bei dagodo hegau a dono dubuna go David.

2 Kings 15:3

Gai ia ne hai hegau i de heohi i mada luu mada o Tagi Maolunga, bei dagodo hegau alodahi a dono damana go Amaziah ne hai.

2 Kings 18:3

Gai ia ne hai hegau i de heohi i mada luu mada o Tagi Maolunga, bei dagodo hegau alodahi a dono dubuna go David ne hai.

2 Kings 22:2

Gai ia ne hai hegau i de heohi i mada luu mada o Tagi Maolunga, ma de ago ange i hegau alodahi a dono dubuna go David, ia tee hagahaisala donu dahi mee daudahi.