2 Kings 1:9 - De Beebaa Dabu

⁹ Gai de hodooligi ne hai ange hogi dahi dagi o tinolima ma ono daane gi hulo gi daho Elijah. Gai tagi laa ne hanage gi daho Elijah, i de masavaa oona e noho ai i honga de mounga, ga hai ange gi de ia, “Taane o de Maadua, e hagadaba de hodooligi, ‘Ahe iho gi lalo!’ ”

2 Kings 1:9 Referans Kwoze

Hebrews 11:36

Hanu ne hagammae manava ina ma de hagailiilia, gai hanu ne noonoodia ga hhao gi lo te hale pono.

Mark 15:32

Gai Klisdo, de Hodooligi o de gau Ssuu, gi iho mai i de laagau lui iainei, gi gidee ai e gidaadeu gai gidaadeu ga hagadonusia.” Gai luu daane ne daudau laa madali Iesu ne hagangadi mee hogi ia i alaau muna.

Mark 15:29

Dangada ne loomai laa kilaa ne hagammae manava ia, ma de geugeu olaadeu biho, ga hai ange, “Aha! Go koe ne hagadaba bolo koe e oha de temple gai ga hagaduu age ange i e dolu donu huu laangi,

Matthew 27:29

ga bini dahi hau i hanu manu duiduia ga hagauda ange gi honga dono biho, ma de hai ia gi daohia dahi dogo i dono lima madau, gai gilaadeu ga duuduli i ono mada i mua ga hagammae manava ai ia, ga hai ange, “De laangi danuaa, e de hodooligi o de gau Ssuu.”

Matthew 26:68

ga hai ange, “Klisdo, basa pelaabisi daalaa mai be goai ne hagailia goe!”

Matthew 14:3

Go hiidinga Herod ne poo John ga tili ange gi lo te hale pono i hiidinga o Herodias, de bodu o dono daina daane go Philip,

Amos 7:12

Gai Amaziah ne hai ange gi Amos, “Taane e daalaa mee e loomai, savini hannoo gi de henua o Judah, ga gaimee ai, ma de basa pelaabisi ai i kilaa;

1 Kings 22:8

Gai de hodooligi o Israel ne hai ange gi Jehoshaphat, “E dahi ange daane adaau e maua i de hai ia gi saalaa gi iloo lodo o Tagi Maolunga, dono ingoo go Micaiah, tama daane a Imlah; aagai au e kino i de ia, go hiidinga ia e dee haihai donu ga tala mai dahi mee danuaa gi de au, go mee baubau donu huu.” Gai Jehoshaphat ne hai ange, “E dee danuaa donu de tala a de hodooligi hanu muna bee naa.”

1 Kings 19:2

Gai Jezebel ne hai dahi dangada gi hano gi hai ange gi Elijah, “Denga maadua gi hagaduasala ina donu au, noo au e dee daa goe gi magau daiao, i de masavaa bee nei, bei dagodo o dahi pelaabisi laa.”

1 Kings 18:42

Gai Ahab ga hano e gaimee ma de unu. Gai Elijah ne hanage gi ulu de mounga go Carmel, ga ino gi lalo i magavaa luoono duli.

1 Kings 18:10

Au e hagatoo donu i de mouli o Tagi Maolunga, doo Maadua, bolo e deai donu se huaahenua, aabe se nohoanga hodooligi daudahi a dogu dangada aamua tigi kave hanu dangada gi saalaa ai goe. Gai de masavaa naa huu a dahi huaahenua, aabe se nohoanga hodooligi e tala ai bolo koe e dee maleva i kilaa, gai Ahab ga hai gilaadeu gi hagatoo donu ange, bolo gilaadeu tigi gidee donu goe.

1 Kings 18:4

gai de masavaa a Jezebel ne daa ai ga maakau denga pelaabisi o Tagi Maolunga, gai Obadiah ne kave e lau pelaabisi ga hagammuni, i lodo e lua haonga i gaogao de mounga, e dagidinolima i de haonga, gai ia ne gaamai denga gai ma vai ga haangai ai gilaadeu.)

Luke 9:54

Gai de masavaa a luu dangada agoago go James ma John ne gidee ai de mee laa, gai gilaau ga ssili ange, “Tagi Maolunga, koe e lodo gimaau gi hagahia iho de ahi mai i de langi, gi daia gilaadeu gi maakau [bei hegau a Elijah ne hai]?”

Jeremiah 35:4

Gai au ne gaamai gilaadeu gi de hale o Tagi Maolunga, i de aabi o denga dama a Hanan tama daane a Igdaliah, taane hai hegau o de Maadua, e baa ange laa gi de aabi o denga dagi o de henua, gai i honga de aabi o Maaseiah tama daane a Shallum, taane e hagaloosia de haitoga.

1 Samuel 19:21

Gai ga langona huu e Saul mee nei, gai ia ne hai ange hogi hanu dangada gi hulo, gai gilaadeu ne pasa pelaabisi hogi. Gai a Saul ne hai ange hogi hanu dangada gi hulo i tolu hanonga, gai gilaadeu gu pasa pelaabisi hogi.

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

2 Kings 2:25

Gai Elisha ne hano gee mai i kilaa ga hano gi de mounga go Carmel, ga lava ga ahe mai ga hano gi Samaria.

2 Kings 4:25

Gai de hine laa ne hano gu dae gi daho taane o de Maadua i de mounga go Carmel. De masavaa a taane o de Maadua ne gidee adu ai ia e humai, gai ia ga hai ange gi Gehazi, dono dangada hai hegau, “Tilo, de hine Shunem gu humai!