2 Kings 1:7 - De Beebaa Dabu

⁷ Gai de hodooligi ne ssili ange gi gilaadeu, “E dagodo bee hee taane ne humai naa ga hedae adu ga tala adu muna naa gi goodou?”

2 Kings 1:7 Referans Kwoze

1 Samuel 28:14

Gai a Saul ga ssili ange gi de hine laa, “Aahee ono hoolinga?” Gai de hine laa ga hai ange, “Dahi daane madumadua e sao age i lo te gelegele; gai e gahu i dahi malo laa daha.” Gai a Saul gu iloo bolo go Samuel donu deelaa, gai ia ga duuduli ga ino gi honga de gelegele ga hagadubu ia.

Judges 8:18

Gai ia ga hai ange gi Zebah ma Zalmunna, “I hee iai denga daane oodou ne daa ga maakau i Tabor?” Gilaau ne hai ange, “Gilaadeu alodahi e bei donu goe; gilaadeu e bei dagodo o denga dama daane a dahi hodooligi.”

2 Kings 1:6

Gilaadeu ne hai ange gi de ia, “Dahi daane ne hedae mai gi gimaadeu, ga hai mai, ‘Goodou aahe gi daho de hodooligi, ne haia naa goodou gi loomai, ga hai ange gi de ia, “E hagadaba Tagi Maolunga: E aha, gu deai laa donu se Maadua o Israel, gai koe ga hai ai naa hanu dangada gi hulo, gi siilia hanu mee i daho Baal-Zebub, tiinonga o Ekron? Deenei ai, koe e dee hidi age naa donu i de moenga oou e dagodo ai naa, aagai koe e magau donu!” ’ ”

2 Kings 1:8

Gilaadeu ne hai ange, “Ono malo e hai i huluhulu o denga manu, gai de beele e nnoa ai laa dono ungaalodo ni gili manu.” Gai ia ga hai ange, “Taane naa go Elijah, taane Tishbe.”