2 Kings 1:2 - De Beebaa Dabu

² De masavaa laa gai Ahaziah ne doo iho laa magavaa denga laagau i de aabi e mua gi lunga i dono hale i Samaria ga magi ga dagodo ai; gai ia ne kave hanu dangada gi hulo gi siilia gi iloo i daho Baal-Zebub, tiinonga o Ekron, be ia e ieiangi mai naa i dono magi be deai.

2 Kings 1:2 Referans Kwoze

2 Kings 1:16

Gai ia ga hai ange gi de hodooligi, “E hagadaba Tagi Maolunga, ‘Koe ne hai hanu gi hulo gi siilia hanu mee i daho Baal-Zebub, tiinonga o Ekron. E aha, gu deai laa donu se Maadua o Israel e ssili ange aagena au muna? Deenei ai, koe e dee hidi age naa donu i de moenga oou e dagodo ai naa, aagai koe e magau naa donu!’ ”

Mark 3:22

Gai de gau sisi ne loomai laa i Jerusalem ne hagataba, “Beelzebul e noho i ono daha! Gai ia e hai gi hulo gee denga hagasaalunga baubau i ssauaa o tagi o denga hagasaalunga baubau.”

Matthew 10:25

Gai tangada e agoago i daho dahi gi malangilangi noo ia gu bei dagodo o dono dangada agoago, gai tangada hai hegau gi malangilangi noo ia gu bei dagodo o dono dangada aamua. Noo dangada e hagahi ange Beelzebul gi tangada aamua o de hale, gai e kii ange naa donu de baubau mee alaadeu e hagahi ange gi dangada i dono hale.

Isaiah 37:19

gai ne tili ange olaadeu diinonga gi lo te ahi ga dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu gu lava i de oha.

Luke 11:15

gai hanu dangada ne hagataba, “Ia e hai gi hulo gee hagasaalunga baubau i ssauaa o Beelzebul, tagi o denga hagasaalunga baubau.”

Isaiah 37:12

Gai ne hanu laa diinonga o denga huaahenua, a omaadeu dubuna madagidagi ne oha, ne maua i de hagaola gilaadeu — go denga diinonga o Gozan, ma Haran, ma Rezeph, aama dangada o Eden nogo nnoho laa i Tel Assar?

2 Kings 1:6

Gilaadeu ne hai ange gi de ia, “Dahi daane ne hedae mai gi gimaadeu, ga hai mai, ‘Goodou aahe gi daho de hodooligi, ne haia naa goodou gi loomai, ga hai ange gi de ia, “E hagadaba Tagi Maolunga: E aha, gu deai laa donu se Maadua o Israel, gai koe ga hai ai naa hanu dangada gi hulo, gi siilia hanu mee i daho Baal-Zebub, tiinonga o Ekron? Deenei ai, koe e dee hidi age naa donu i de moenga oou e dagodo ai naa, aagai koe e magau donu!” ’ ”

2 Kings 1:3

Gai tangada de langi o Tagi Maolunga ga hai ange gi Elijah, taane Tishbe, “Hannoo hedae ange gi denga daane o de hodooligi o Samaria siilia ange, ‘E aha, gu deai laa donu se Maadua o Israel, gai goodou ga hulo ai laa e ssili hanu mee i daho Baal-Zebub, tiinonga o Ekron?

1 Kings 11:33

Au e hai de hegau nei i hiidinga gilaadeu ne tili au gai gu daumaha ange gi Ashtoreth, tiinonga hahine o de gau Sidon, ma Chemosh, tiinonga o de gau Moab, ma Milcom, tiinonga o de gau Ammon; gilaadeu tee daudali i ogu haiava, ma tee hai hegau i de heohi i mada luoogu mada, gilaadeu tee daohi hogi agu muna gu hagasauaa, ma agu hagamodu, bei dagodo hegau a David, tamana o Solomon ne hai.

Acts 20:9

Gai e dahi hogi dama daane e noho i honga de haitoga o de madangi, dono ingoo go Eutychus; ia ne seni i hiidinga taulooloa de agoago a Paul. Gai ia gu doo iho i tolu deege o de hale, gai de masavaa huu alaadeu ne saabai age ia, gai gilaadeu gu gidee bolo ia gu magau.

Song of Songs 2:9

Dogu dau soa e bei dahi gazelle, aabe se dia daane. Tilo, ia gu duu mai i tua omaadeu buibui, ma e galo mai ai i tua denga abaaba vaaligiligi, ma magavaa o denga gaini laagau o de hale.

De Beebaa go Job 31:3

E aha, de hai ngadaa e dee duu ange laa gi de gau baubau, gai de mmala ange gi gilaadeu e haia de baubau?

1 Kings 22:34

Aagai dahi daane ne ngadi tili donu huu dahi dao o dana mee hholu gi lo te moana, gai tao laa ne hano ga velo de hodooligi o Israel, i magavaa o denga baalanga o dono malo hebagi, ma de mee e buibui ai laa ono hadahada. Gai de hodooligi ne hai ange gi taane e baalea laa dono hada hebagi, “Hagammene dua mage gaavee gee au i de mommee o de hebagi, i hiidinga au gu lagohia.”

1 Kings 14:3

Gaavee hogi madali goe e madaangahulu duudangaa pelaoaa, ma hanu keege, ma dahi ssaa iai hooni, ga hano ai gi ono daha; gai ia ga tala adu be ni aha e hai ange gi tamaa gauligi.”

1 Samuel 5:10

Gai gilaadeu ga kave de ngavesi a de Maadua gi Ekron. Aagai de masavaa huu o de ngavesi a de Maadua ne dae ai gi Ekron, gai dangada o Ekron ga hevaalogi, ga hagataba, “Gilaadeu gu gaamai hogi de ngavesi a de Maadua o Israel e daa ai gidaadeu ma odaadeu dangada gi maakau.”

Judges 11:24

E aha, koe e dee lodo laa e kave mee a doo diinonga go Chemosh gu gaavadu gi de goe? Gai mommee alodahi a Tagi Maolunga demaadeu Maadua e gaamai gi gimaadeu, gai gimaadeu e kave donu ga henua ai.

Judges 5:28

Tinana o Sisera ne hagaduidui adu i magavaa denga laagau masaavava, ma de dangi, ‘Gu aha gu mmule mai ai nei dono hada hebagi? Gu aha gu daulooloa ai nei tee saamumu mai denga hoosa e daangia ono hada hebagi?’

Isaiah 2:6

Koe gu tili doo huaadangada, go dangada o Jacob. Go hiidinga gu soa dangada e daalaa mee e dee iloo mai i denga henua i dua; gilaadeu e tala mee e dee iloo bei hegau a de gau Philistia, ma de hagaheloongoi ange gi de gau henua gee.

Joshua 15:11

Gai e hano hogi laa gaogao de madadaagodo i baasi ngaiho o Ekron, ga lava ga hano gi Shikkeron ga hano ai laa gi de mounga go Baalah aama Jabneel. Gai dono ngaadonga go Mediterranean.

1 Kings 22:40

Gai Ahab ne magau bei ono dubuna; gai dana dama daane go Ahaziah ga sui ia ga hodooligi ai.

2 Kings 17:16

Gai gilaadeu ne tili denga muna alodahi a Tagi Maolunga, delaadeu Maadua gu tala ange gi gilaadeu, gai ga hai e lua kaau baalanga ga daumaha ange aagena, ma dahi duludulu laagau o Asherah. Gilaadeu ne daumaha ange hogi gi denga heduu i lo te langi aama Baal.

Isaiah 19:3

De gau Egypt e baageaa naa olaadeu lodo, gai au e hai naa gi dee ssula alaadeu hagatau; gilaadeu e ssala naa de bale mai i daho denga diinonga ma hagasaalunga o de gau maakau, ma denga hilohilo ma eidu aama gilaadeu e pasa ange gi denga hagasaalunga.