2 John 1:12 - De Beebaa Dabu

¹² E lagolago ange donu agu muna e lodo e sisi adu gi goodou, gai au e dee lodo e sisi adu mee nei i denga dalaa beebaa ma ink. Aagai au e tali bolo au e hanadu naa donu gi oodou daha ga hedae ai gidaadeu, gi honu danuaa ai taadeu malangilangi.

2 John 1:12 Referans Kwoze

John 16:12

E lagolago ange donu agu mee e lodo e tala adu gi goodou, aagai goodou tigi maua i de kave.

John 15:11

Au gu tala adu mee nei gi goodou, gi dagodo ai dogu malangilangi i oodou lodo, gai gi honu danuaa ai doodou malangilangi.

Numbers 12:8

Gai gimaau e hagadau madaangudu; au e dee basa ange gi de ia i muna hagasengasenga; gai ia e gidee hogi hoolinga o Tagi Maolunga. Gai gooluu e dee maatagu naa donu i de hagadaumee ange gi dogu dangada hai hegau go Moses?”

1 John 1:4

Gai gimaadeu e sisi adu mee nei gi goodou gi honu danuaa ai demaadeu malangilangi.

Hebrews 13:19

Au e dangidangi adu hogi goodou gi dalodalo gi moolau dogu ahe adu gi oodou daha.

Romans 15:24

Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha.

John 17:13

Gai iainei au ga ahe adu nei gi oo daha; gai au e tala muna nei i henua i lalo, gi dagodo ai dogu malangilangi i olaadeu daha, gai gi honu danuaa.

John 16:24

Goodou tigi dangidangi donu i dahi mee i dogu ingoo ga dae mai ai gi iainei. Dangidangi, gi maua ai oodou mee, gai gi honu abodonu ai doodou malangilangi.

Hebrews 13:23

Au e lodo goodou gi iloo bolo taadeu daina go Timothy gu sao mai i lo te hale pono. Noo ia e moolau dono hanadu, gai au e hanadu naa hogi madali ia e hedae adu gi goodou.

Philemon 1:22

Gai koe hagadabena ina hogi dahi aabi e noho ai au, go hiidinga au e tali hagalodolodo bolo au e hanadu naa donu gi oodou daha i doodou dalodalo i de au.

2 Timothy 1:4

Au gu lodo mmao e tilo goe, i dagu noho ga manadua oo loimada, gai gi honu abodonu ai hogi dogu malangilangi.

John 3:29

Taane niiona de bodu go taane gu dai hagahai bodu. Gai ssoa o taane gu dai hagahai bodu e duu ma e tali e hagallongo ana muna, gai ia e malangilangi mmao i dana langona de leo o taane gu dai hagahai bodu. Deenei ai, dogu malangilangi gu honu danuaa.

3 John 1:10

Aagai noo au gu dae adu, gai au ga tala adu ai gi iloo e goodou dagodo o ana hegau e hai, aama dana tala hanu ngadi muna e hagabaubau ai gimaadeu. Gai e dee aanaa donu huu ana mee ne hai, gai ia tee lodo donu e abodonu ange gi denga daina, ma de buibui dangada e llodo laa e balea ange gilaadeu, ga aau gee mai gilaadeu i de nohoanga dabu.