2 John 1:1 - De Beebaa Dabu

¹ Mai i daho tagi hagadubu. Ange gi de hine hagadubu gu hilia laa ma ana dama, go dangada oogu e aloha ai i de muna abodonu — gai e dee go au donu huu, aagai go gilaadeu alodahi e iloo de mee abodonu —

2 John 1:1 Referans Kwoze

1 John 3:18

Agu dama, gidaadeu gi dee daalaa donu huu bolo gidaadeu e aaloha, aagai gidaadeu gi hagahai hegau ina odaadeu aaloha i de mee abodonu.

1 Timothy 2:4

Gai ia e lodo mmao dangada alodahi gi hagamouli, aama de iloo de muna abodonu.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

2 John 1:5

De hine hagadubu, iainei gai au e dangidangi adu gi de goe, gidaadeu ga hagadau aaloha. Agu mee e sisi adu nei e dee ni muna hoou, aagai ni muna donu gu lava i taadeu iloo mai i taamada.

1 Peter 5:1

Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

2 John 1:13

Dama a doodou daina hahine gu hilia laa e gaavadu delaadeu hagaboo gi de goe.

1 John 2:21

Au tee sisi adu mee nei i hiidinga goodou e dee iloo de muna abodonu, aagai go hiidinga goodou e iloo donu de muna abodonu, gai e deai donu se muna hhadu e daamada mai i de muna abodonu.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Hebrews 10:26

Gai noo gidaadeu se hagabau donu e haisala, i dua taadeu iloo de muna abodonu, aagai gu deai ange donu se sigidaumaha e maua i de kave gee odaadeu haisala,

Galatians 5:7

Goodou nogo saavini danuaa donu; gai goai ne daohia goodou gi dee daudali i de muna abodonu?

Galatians 3:1

De gau Galatia, goodou e llodo ssenga! Goai ne helau ina naa goodou? Dagodo de daudau o Iesu Klisdo i de laagau lui gu lava donu i de hagadonu danuaa adu gi goodou.

Galatians 2:14

Aagai de masavaa huu aagu ne gidee ai bolo gilaadeu gu dee hai hegau i de mee heohi o de longo danuaa, gai au ga basa ange gi Cephas i madamada o dangada alodahi i kilaa, ga hai ange, “Koe se dangada Ssuu, gai koe e mouli bei dagodo o denga Gentile, e dee mouli bei dagodo o tangada Ssuu; gai gu aha gu usuusu ange ai naa goe denga Gentile gi mouli bei dagodo o de gau Ssuu?”

Galatians 2:5

Gai gimaadeu tee dugu ange donu gi hai mee nei i dahi masavaa bodobodo, gi maua ai de mee abodonu o de longo danuaa gi dagodo adu gi goodou.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Luke 1:3

Deenei ai, tangada aamua go Theophilus, au ne maanadu bolo se mee danuaa hogi dagu sisi adu mee nei gi de goe, go hiidinga gu lava donu i dogu hai hegau ange ma gu ssala gi iloo danuaa e au dagodo o mee nei mai i taamada,

Acts 11:30

Gai gilaadeu ne hai donu de hegau nei, ga gaavange denga sseene laa gi Barnabas ma Saul gi gaavee gi denga dagi i kilaa.

Romans 16:13

Dagu hagaboo ange gi Rufus, go taane hagadubu i lodo o Tagi Maolunga, aama ange hogi gi dono dinana gu se dinana laa hogi niiogu.

1 Peter 5:13

De hine i Babylon, go de ia ne hili laa bei oodou dagodo, e gaavadu dana hagaboo gi goodou, aama dagu dama hogi go Mark.

3 John 1:1

Mai i daho tagi hagadubu. Ange gi Gaius, taina hagamogomogo, go de ia oogu e aloha ai i de muna abodonu.