2 Corinthians 8:2 - De Beebaa Dabu

² De masavaa ne kona ai delaadeu hai ngadaa, gai gilaadeu ne malangilangi i de daohi age dahi sigidaumaha, e dee galemu donu delaadeu hagaau aloha.

2 Corinthians 8:2 Referans Kwoze

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Proverbs 11:25

Tangada e hagamanuuia ina laa dangada e hagadagadaga age; tangada e balea ange dangada, e kave naa hogi de bale.

Deuteronomy 15:4

Gai e deai naa donu se dangada e hagaau aloha i oodou magavaa, go hiidinga Tagi Maolunga doodou Maadua e hagamanuuia goodou, i de henua aana e gaavadu e henua ai goodou,

Revelation 2:9

Au e iloo dagodo o doo vaivai haia ma doo hagaau aloha (aagai koe e lava mmao), gai au e iloo hagabaubau a dangada e hagataba laa bolo gilaadeu ni dangada Ssuu, gai e dee se muna abodonu, aagai gilaadeu go synagogue donu o Satan.

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

2 Corinthians 9:13

De hegau oodou gu hai nei gu hagaago danuaa ange gi gilaadeu dagodo o oodou kai, gai gilaadeu gu tuhi de Maadua i hiidinga doodou hagallongo i muna, ma doodou daohi muna o de longo danuaa o Klisdo, aama de laumalie doodou mee ne daohi age e bale ange ai gilaadeu madali de gau ange laa.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

1 Thessalonians 2:14

Denga daina, goodou gu bei dagodo o denga nohoanga dabu o de Maadua i lodo o Klisdo Iesu i Judea. Goodou ne vaivai haia hogi i daho dangada doodou henua, bei delaadeu hai ne vaivai haia ai i daho de gau Ssuu,

2 Corinthians 9:11

Gai ia e hai naa goodou gi lava i mee alodahi, gi maua ai e goodou i de ngadi gaavange mee, gai dangada ga hagaahe ange ai de abodonu gi de Maadua, i oodou ngadi gaavange ne gaamai gimaadeu gi gaavange gi gilaadeu.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

Matthew 20:15

E aha, e dee heohi dagu hai be se aha oogu e lodo ai i agu mee donu? Aabe goodou gu lodo gaiaa naa i hiidinga au e abodonu?’

Romans 2:4

Aabe koe e hagangadi mee naa donu de abodonu laumalie o de Maadua, ma tee moolau ono lodo aama de golomagi ono lodo? Koe e dee iloo laa donu bolo go de abodonu o de Maadua e haia ga maua gi dahuli oo lodo?

2 Corinthians 2:9

Gai deenei dagu hiidinga ne sisi adu ai nei, e hagatale ange ai oodou dagodo gi iloo ai be goodou e daudali i mee alodahi.