2 Corinthians 7:2 - De Beebaa Dabu

² Goodou huugea mai oodou lodo gi gimaadeu; gimaadeu tigi haisala ange donu gi dahi dangada, gimaadeu tee hagasenga dahi goodou, aabe ne gaiaa oodou mee.

2 Corinthians 7:2 Referans Kwoze

2 Corinthians 11:9

Gai de masavaa oogu ne duasala ai i dogu noho i oodou daha, gai au tee hagahai ngadaa donu dahi goodou, gai go denga daina ne loomai laa i Macedonia ne balea mai au i mee alodahi oogu ne duasala ai. Deenei ai, au ne hagamade donu i mua ma iainei gi dee hagahai ngadaa ina e au dahi goodou i dahi mee.

Acts 20:33

Gai au tee nnoo ange donu gi selevaa be go goolo, aabe go malo o dahi dangada.

2 John 1:10

Noo dahi dangada gu hanadu gi oodou daha, gai ia e dee agoago bei dagodo agoago nei, aagai goodou gi dee abodonu ange gi de ia i oodou hale, aabe gi hagaboo ange gi de ia,

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Matthew 10:40

Be goai e abodonu adu gi goodou, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai.

Matthew 10:14

Gai noo e deai dangada e abodonu adu gi goodou, aabe hagalaangona oodou agoago, gai goodou luuluuia gelegele i oodou vae, i de masavaa oodou e ssao ai e hulo gee i de hale aabe go de aduhale laa.

Numbers 16:15

Gai Moses gu kona mmao de lili, gai ia ga hai ange gi Tagi Maolunga, “Koe gi dee hagadubu ina donu delaadeu sigidaumaha. Tigi ai donu se donkey daudahi aagu ne kave mai i olaadeu daha, aabe gu hai ange dahi baubau gi gilaadeu.”

Philemon 1:17

Gai noo koe e hagabinga bolo au se dangada hai hegau madali goe, gai koe abodonu ange gi de ia bei doo hai e abodonu mai ai laa gi de au.

Philemon 1:12

Gai au gu hai ia gi ahe adu gi oo daha, gai dogu aloha e madali ia.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

Colossians 4:10

Aristarchus se daane e noho i lo te hale pono madali au e gaavadu dana hagaboo gi goodou, ma Mark tangada o Barnabas. (Goodou gu lava i de iloo dagu hai gu tala adu ai ono dagodo; gai noo ia gu dae adu gi oodou daha, goodou abodonu ange gi de ia.)

Philippians 2:29

Deenei ai, goodou abodonu ange gi de ia i lodo o Tagi Maolunga i de malangilangi laumalie, ma de hagadubu denga daane bei ia,

2 Corinthians 11:16

Au e ahe ange e hai adu, gi deai se goodou e maanadu bolo au gu lodo senga; aagai noo goodou e maanadu bee nei, gai goodou gi haia au bei dagodo o dahi dangada lodo senga, au e damaa tala tuhi hogi au.

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

Luke 10:8

Gai noo gu ulu goodou i dahi aduhale, gai dangada i kilaa e abodonu adu gi goodou, gai goodou gaina mee alaadeu e gaavadu gi goodou.