2 Corinthians 4:8 - De Beebaa Dabu

⁸ Gimaadeu ne tuu ange gi denga hai ngadaa alodahi, aagai tee damaa llodo baageaa donu. Gimaadeu tee tonu ange gi mee gu hai, aagai tee helui donu demaadeu tali;

2 Corinthians 4:8 Referans Kwoze

2 Corinthians 12:10

Deenei ai, au e malangilangi donu i ogu mee e baageaa ai, ma de hagadogaa ina ai, ma hai ngadaa, ma vaivai haia, ma hagaduasala i hiidinga de ingoo o Klisdo. Go hiidinga de masavaa oogu e baageaa ai, go de masavaa donu oogu e mmahi abodonu ai.

2 Corinthians 7:5

De masavaa omaadeu ne tae ai gi Macedonia, gai gimaadeu tee maua donu i de hagammabu, aagai gimaadeu ne tuu ange gi denga hagadaagangaa hagaduasala; gimaadeu ne hagadaumee ange gi de gau ange laa aama de manavasaa omaadeu lodo.

Psalm 37:33

aagai Tagi Maolunga e dee dugu ange naa donu ia gi ssauaa o tangada baubau, aabe e dugu ange gi hagabaubau ina ia i de masavaa e hagamodu ai ono muna.

John 14:18

Au e dee tili naa donu goodou bei dagodo o denga gauligi e deai olaadeu maadua; au e humai naa donu gi oodou daha.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

2 Corinthians 6:4

gai gimaadeu gu hagaago danuaa adu i mee alodahi, bolo gimaadeu ni dangada hai hegau niio de Maadua: i demaadeu lodo mmahi i de golomagi lodo, i de masavaa o denga hagaduasala, ma mee hai ngadaa, aama mee hagamanavasaa,

Proverbs 14:26

Tangada e madagu laa i Tagi Maolunga e lodo mmahi, gai se buibui ange gi ana dama.

1 Samuel 28:15

Gai Samuel ga hai ange gi a Saul, “Gu aha goe gu hakoso ai naa au ma de hai au gi hanage?” Gai a Saul ga hai ange, “Au gu hai ngadaa mmao; go hiidinga de gau Philistia gu loomai e hebagi mai gi de au, gai de Maadua gu huli gee i de au. Ia gu dee basa mai gi de au i daho denga pelaabisi, aabe go denga midi. Deenei ai, au ne hagahi adu goe gi daalaa mai be ni aha aagu e hai.”

1 Samuel 30:6

Gai David gu kona mmao tee baba ono lodo, go hiidinga denga daane gu llodo e maga ia i denga hadu, go hiidinga gilaadeu alodahi gu llili i hiidinga o alaadeu dama. Gai Tagi Maolunga dono Maadua ga hagammahi ange lodo o David.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

1 Samuel 31:4

Gai a Saul ne hai ange gi taane e sabaia ono goloa hebagi, “Haia dau gadilaasa velosia ai au gi magau, gi dee loomai ai denga daane tigi tuu dagaholiage naa ga velo au ma de vaivai hai au.” Gai taane laa tee lodo, go hiidinga ia e madagu. Gai a Saul ga hai dana gadilaasa ga velo ai donu huu ia.

Psalm 129:2

Gilaadeu ne hagaduasala donu au mai i dogu gauligi, aagai gilaadeu tee maua gi kii i de au.

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

2 Corinthians 6:12

Gimaadeu e dee daohi omaadeu aaloha i goodou, aagai go goodou e daohia oodou aaloha i gimaadeu.

Galatians 4:20

Mee naa au gi noho i oodou daha iainei, gai au ga sui ai dogu leo e basa adu ai, go hiidinga au gu manavasaa i oodou hiidinga.