2 Corinthians 4:5 - De Beebaa Dabu

⁵ Gai gimaadeu e dee agoago i omaadeu dagodo, aagai go dagodo o Iesu Klisdo Tagi Maolunga, gai gimaadeu go oodou dangada hai hegau i hiidinga o Iesu.

2 Corinthians 4:5 Referans Kwoze

2 Corinthians 1:24

Go hiidinga e dee go gimaadeu e huahua i oodou kai, aagai gimaadeu e hai hegau madali goodou gi malangilangi ai goodou, go hiidinga go de gai oodou e tuu ai ga makaga.

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

Philippians 2:11

gai dangada alodahi e tala hagadonu naa bolo Iesu Klisdo go Tagi Maolunga, ga hagamahamaha ai de Maadua Tamana.

Philippians 1:15

Hanu e agoago Klisdo i delaadeu llodo gaiaa, ma de llodo e hagadau gaavange, aagai hanu e agoago i de lodo se muna abodonu.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Titus 1:11

Gai e heohi donu de hai de gau bee nei gi dee pasa, go hiidinga gu soa huaabodu alaadeu ne hai gi huuhuli gee i de mee heohi i alaadeu agoago dee heohi nei. Gai gilaadeu e hai mee nei i hiidinga delaadeu llodo i sseene.

2 Timothy 2:10

Deenei ai, au e lodo mmahi i de hagauda mee nei alodahi, i hiidinga o dangada a de Maadua gu lava laa i de hili, gi maua ai e gilaadeu de hagamouli i delaadeu kai ange gi Klisdo Iesu, ma de mahamaha e deai laa se ngado mai.

1 Corinthians 12:3

Deenei ai, au e lodo goodou gi tonu ange bolo e deai donu se dangada e basa i ssauaa o de Hagasaalunga o de Maadua e hagadaba, “Iesu gu hagamalaia!”, gai e deai hogi se dangada e hagadaba, “Iesu go Tagi Maolunga,” noo ia e dee dagi i daho de Hagasaalunga Dabu.

1 Corinthians 8:6

aagai e dahi donu huu Maadua abodonu, go Tamana ne daamada mai ai laa mee alodahi, gai go ia e daohia odaadeu mouli. Gai e dahi donu huu Dagi Maolunga, go Iesu Klisdo, go de ia ne haia mee alodahi gai go ia hogi e gaamai gi gidaadeu de mouli.

1 Corinthians 2:2

Go hiidinga au ne hagababa i ogu lodo bolo au e dee iloo ange dahi mee i dogu masavaa e noho ai i oodou daha, gai go de agoago donu huu i dagodo o Iesu Klisdo ma dono daudau i de laagau lui.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

John 7:18

Tangada e basa donu huu i dono sauaa e ssala donu huu dono hai e hagamahamaha ai; gai tangada e saalaa de hai e hagamahamaha ai tangada ne haia ia gi humai, se dangada e hai hegau i de muna abodonu, gai e deai donu se mee dee heohi i ono lodo.

Matthew 23:8

Aagai e dee hai dangada gi hagaagahia adu ‘tangada agoago’ gi goodou, i hiidinga e dahi donu huu oodou dangada agoago, gai goodou alodahi ni hai daina.

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

2 Corinthians 1:19

Gai Tama Daane a de Maadua, go Iesu Klisdo, amaadeu ma Silvanus ma Timothy gu agoago ai laa i oodou magavaa, e dee hai adu “uaa” gai e “deai,” aagai masavaa alodahi e “uaa” i ono lodo.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

1 Corinthians 10:33

bei dagu hai gu hagatale ai laa de hagamalangilangi dangada alodahi i agu mee alodahi e hai; au e dee ssala donu huu de mee e danuaa mai gi de au, aagai go de mee e danuaa ange gi dangada soa, gi hagamouli ai gilaadeu.

1 Corinthians 4:15

Gai ga soa naa donu dangada e agoago ina adu goodou i lodo o Klisdo, gai e dahi donu huu oodou damana. Go au doodou damana i lodo o Klisdo Iesu i hiidinga o de longo danuaa.