2 Corinthians 3:10 - De Beebaa Dabu

¹⁰ Ni muna abodonu, de mahamaha o de mee gu lilo laa e dee se mahamaha donu, i hiidinga o de mahamaha e kii ange laa de laumalie.

2 Corinthians 3:10 Referans Kwoze

2 Peter 1:17

De masavaa aana ne kave ai de mahamaha ma de hagadubu, mai i daho Maadua Tamana, gai dahi leo ne humai gi de ia i daho de Mahamaha Sauaa laa, ga hai ange, “Deenei dagu Dama hagamogomogo, au e malangilangi i de ia.”

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Acts 26:13

De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa.

Haggai 2:3

‘Goai i oodou magavaa ne gidee de mahamaha o de hale daumaha nei madagidagi? Gai dee hee doodou hai e tilo ai laa ono dagodo iainei? Goodou e dee maanadu laa bolo de hale nei se mee donu dee dau?

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

De Beebaa go Job 25:5

Tilo, de maasina e dee maalama donu, gai denga heduu e dee gilimalali hogi i mada luoono mada;

2 Corinthians 3:9

Gai noo ne mahamaha de hegau ne hagabaubau ai dangada, gai de hegau ne hagaheohi ai dangada e kii ange donu de mahamaha.

2 Corinthians 3:11

Gai noo de mee gu lilo laa ne humai i de mahamaha, gai e kii ange donu de mee e dagodo laa ga hano ai de laumalie dono mahamaha.