2 Corinthians 13:3 - De Beebaa Dabu

³ i hiidinga goodou e llodo e ssala gi iloo abodonu be go Klisdo donu e basa nei i ogu daha. Gai ia e dee baageaa donu i de hai hegau i oodou daha, aagai e mmahi mmao i oodou daha.

2 Corinthians 13:3 Referans Kwoze

Matthew 10:20

Go hiidinga e dee go goodou e pasa ange, gai go de Hagasaalunga o doodou Damana e basa i oodou daha.

2 Corinthians 12:12

Au ne hagaduu ngae ga hagaago adu gi goodou dagodo o tangada tala abodonu, i dogu noho i oodou magavaa, i denga hagailonga ma mee hagalele mouli aama denga sauaa mmahi.

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

2 Corinthians 10:4

Gai odaadeu goloa hebagi e dee ni mee niio henua i lalo, aagai go ssauaa o de Maadua e oha ai laa denga buibui makaga o de hagadaumee.

2 Corinthians 2:10

Gai be goai oodou e degi ange aagena, gai au e degi ange hogi gi de ia. Gai mee aagu gu degi ange ai gi dahi dangada — noo e hanu donu ogu mee e degi ange ai — gai au ne hai i oodou hiidinga i mada luu mada o Klisdo,

2 Corinthians 2:6

Gai tangada bee nei, gu lava donu i de hagaduasala i daho dangada soa,

1 Corinthians 7:40

Gai dagu maanadu, ia e kii ange donu de malangilangi noo ia e noho donu huu i de ia. Au e hagadaba bolo agu maanadu e bei donu lodo o de Hagasaalunga o de Maadua.

2 Corinthians 9:8

Gai de Maadua gi hagalaumalie ina dono abodonu adu gi goodou, gi deai ai oodou mee e duasala ai i masavaa alodahi, gai gi maua ai e goodou i de hai denga hegau danuaa alodahi.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —