2 Corinthians 1:8 - De Beebaa Dabu

⁸ Denga daina, gimaau e llodo goodou gi iloo dagodo o omaau hagaduasala i Asia; gimaau ne kona iho i omaau hagaduasala, gai ne dubu ange donu i amaau mee ne mau i de hagauda; gimaau ne maanadu bolo gimaau e maakau naa donu.

2 Corinthians 1:8 Referans Kwoze

1 Corinthians 15:32

Gai ni aha naa donu aagu e mau, i dogu hebagi ange gi denga manu alasala i Ephesus? Noo de gau maakau e dee mouli age donu, “Gidaadeu ga gaimee ma de unu, go hiidinga daiao gidaadeu e maakau.”

1 Corinthians 4:8

Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou!

1 Corinthians 16:9

go hiidinga gu dugua mai gi de au de masavaa danuaa e hagasula ai de hegau i kinei, aagai e soa hogi ogu hagadaumee.

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

1 Samuel 20:3

Aagai David ne hai dahi hagatoo donu ga hai ange, “Doo damana e iloo bolo koe gu abodonu mai gi de au; gai ia gu hagadaba i ono lodo, ‘E dee tala ange mee nei gi Jonathan gi dee daemaha ai ia.’ Aagai au e hagatoo donu i de mouli o Tagi Maolunga ma doo mouli, bolo gu baa ange donu gi dogu daa ga magau!”

Acts 2:9

Go muna a de gau Parthia ma de gau Media, ma de gau Elam, ma de gau Mesopotamia, ma de gau Judea ma Cappadocia, ma de gau Pontus ma Asia,

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Romans 1:13

Denga daina, au e lodo goodou gi tonu ange bolo gu dee modu donu dogu lodo e hanadu gi oodou daha, (aagai goi buibuia huu ga dae mai ai gi iainei); au e lodo hogi gi maua e au i de hai gi daahuli lodo o hanu i oodou magavaa, bei dagu hai gu maua ai laa i magavaa o denga Gentile ange laa.

2 Corinthians 1:9

Ni muna abodonu, gimaau ne langona iho donu bolo gimaau e tuu ange donu gi de magau. Aagai de mee nei se hai gi dee tali hagalodolodo ange ai gimaau gi omaau mahi donu huu, aagai gi tali hagalodolodo ange gi de Maadua e hagamouli ina age laa de gau maakau.

2 Corinthians 6:9

ni dangada e dee dau, gai e soa dangada e iloo gimaadeu; ni dangada e dee modu de tuu ange gi de maakau, aagai goi mouli huu; ni dangada e hagaduasala ina, aagai tigi daia gi maakau;

Acts 19:41

Gai ga lava huu i de tala a Alexander muna nei, gai ia ga hai gi hulo dangada gu hagabuni laa i kilaa.