2 Corinthians 1:3 - De Beebaa Dabu

³ Duuhia de Maadua ma Tamana o Iesu Klisdo taadeu Dagi Maolunga, gai go Tamana o de abodonu ma de Maadua e hagaaneane ina lodo alodahi.

2 Corinthians 1:3 Referans Kwoze

1 Peter 1:3

Gidaadeu ga tuhi de Maadua ma Tamana o taadeu Dagi Maolunga go Iesu Klisdo! Ia ne hai gi maua e gidaadeu de aahe ange e haanau hoou, gi maua ai e gidaadeu de tali hagalodolodo abodonu, i de mouli age o Iesu Klisdo i de magau, i hiidinga o dono degi laumalie,

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Philippians 2:11

gai dangada alodahi e tala hagadonu naa bolo Iesu Klisdo go Tagi Maolunga, ga hagamahamaha ai de Maadua Tamana.

Ephesians 1:17

Au e dalodalo ange gi de Maadua o Iesu Klisdo taadeu Dagi Maolunga, Tamana o de mahamaha, ia gi gaavadu gi goodou de Hagasaalunga o de heiangi ma de hagaago adu gi iloo e goodou ono dagodo,

2 John 1:9

Tangada e hai ga dubu ange aama tee daudali i agoago a Klisdo, de Maadua e dee noho donu i ono daha. Tangada e daudali i agoago nei, gai Tamana ma Tama Daane e nnoho donu i ono daha.

Daniel 9:9

De Ia Aamua demaadeu Maadua e abodonu ma de degi mai gi omaadeu haisala, e dee galemu donu gimaadeu ne hai baasi adu gi de ia;

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

2 Corinthians 11:31

Gai de Maadua ma Tamana o Tagi Maolunga go Iesu, e heohi laa taadeu tuhi ga hano ai, e iloo bolo au e dee hadu muna donu.

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 18:46

Tagi Maolunga e mouli! Hagadegi ina dogu baba makaga! Hagaamua ina de Maadua, dogu Ia Hagaola!

Nehemiah 9:5

Gai denga daane de aamuli o Levi, go Jeshua, ma Kadmiel, ma Bani, ma Hashabneiah, ma Sherebiah, ma Hodiah, ma Shebaniah, ma Pethahiah, ne hai ange, “Goodou tuu age duuhia Tagi Maolunga doodou Maadua, go de ia e deai sono daamada aabe se hagaodi! Alodahi gi duuhia doo ingoo mahamaha, go de ingoo e maolunga ange i de hagadegi aama tuhi alodahi.

2 John 1:4

Au gu malangilangi mmao i dagu gidee bolo hanu au dama e daudali i de muna abodonu, bei de hai a Tamana gu tala mai ai gi gidaadeu.

John 10:30

Gimaau ma dogu Damana e dahi donu huu.”

Genesis 14:20

Duuhia de Maadua Maolunga Mmao laa, go de ia ne hagaola ina goe mai i oo hagadaumee.” Gai Abram ne gaavange gi de ia tahi diba i diba e madaangahulu o mee alodahi.

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

De Beebaa go Job 1:21

ga hagadaba, “Au ne ngadi haanau mai i lo te dinae o dogu dinana, gai au e ngadi ahe naa hogi gi kilaa. Go Tagi Maolunga ne gaamai, gai go Tagi Maolunga e gaavee gee; duuhia de ingoo o Tagi Maolunga.”

1 Chronicles 29:10

Gai David ga tuhi Tagi Maolunga i madamada o dangada alodahi, ga hagadaba, “Duuhia goe, Tagi Maolunga, de Maadua o demaadeu dubuna madagidagi go Israel, mai i de masavaa e dee ngado mai ga dae ai gi de masavaa e dee ngado mai.

Psalm 68:35

De Maadua, koe e hagamaatagu mmao, i doo mommee dabu; de Maadua o Israel ne gaavange de mmahi ma ssauaa gi dono huaadangada. Hagadegi ina de Maadua!

Isaiah 66:13

Au e hagaaneane naa goodou bei de hagaaneane a dahi dinana dana dama; gai goodou e hagaaneane ina naa i Jerusalem.”

2 Corinthians 7:6

Aagai de Maadua, go de ia e hagaaneane ina lodo o dangada e daemaha laa, ne hagaaneane omaadeu lodo i de dae mai o Titus gi omaadeu daha,

Colossians 1:3

Gimaadeu e hagaahe ange de abodonu gi de Maadua Tamana o taadeu Dagi Maolunga go Iesu Klisdo, i masavaa alodahi omaadeu e dalodalo ai i goodou,