2 Chronicles 4:4 - De Beebaa Dabu

⁴ Gai taaba laa e duu i honga e madaangahulu ma lua kaau, e dolu e huuhuli gi ngaiho, e dolu e huuhuli gi dai, e dolu e huuhuli gi ngaage, gai e dolu e huuhuli gi dua. Taaba e duu i olaadeu elunga, gai muli o denga manu laa i lalo taaba.

2 Chronicles 4:4 Referans Kwoze

Revelation 21:14

Gai de buibui o de aduhale laa e madaangahulu ma lua ono dagelo, gai honga denga dagelo laa e sisi ange aagena ingoo o de gau tala a Ssiibi Gauligi e dinoangahulu ma dogolua.

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

1 Kings 7:25

Gai taaba laa e duu i honga e madaangahulu ma lua kaau, e dolu e huuhuli gi ngaiho, e dolu e huuhuli gi dai, e dolu e huuhuli gi ngaage, gai e dolu e huuhuli gi dua. Taaba e duu i olaadeu elunga, gai muli o denga manu laa i lalo taaba.

2 Chronicles 4:3

Gai lalo de hiihii o taaba laa e maaga ange ada o hanu kaau ma e holiage ai, gai e madaangahulu kaau ange gi dahi sugilima. Gai e lua hagataaunga o denga kaau laa e maaga ange gi taaba laa.

2 Chronicles 4:5

Gai de maadolu o taaba laa se dahi ianga; de hiihii e bei de hiihii o de ubu, gai e bei hogi de huaala o de lilii. Gai se dolumano bath e hhao ai.