2 Chronicles 26:1 - De Beebaa Dabu

¹ Gai dangada alodahi o Judah ne kave Uzziah, gu madaangahulu ma ono laa ono ngadau, ga hai ia gi suuia dono damana go Amaziah gi hodooligi ai.

2 Chronicles 26:1 Referans Kwoze

2 Chronicles 22:1

Gai dangada e nnoho i Jerusalem ne hai Ahaziah, tama gauligi a Jehoram, gi suuia dono damana gi hodooligi ai, go hiidinga dangada ne loomai laa madali de gau Arabia gi de mommee nnoho gaainga, gu daa ma gu maakau denga dama maatua alodahi. Gai tama daane a Jehoram go Ahaziah gu hodooligi i Judah.

2 Chronicles 33:25

Aagai dangada o de henua ga daa gu maakau gilaadeu alodahi ne daia de hodooligi go Amon, gai gilaadeu ga hai dana dama daane go Josiah gi suuia ia gi hodooligi ai.

1 Chronicles 3:12

tama daane a Joash go Amaziah, tama daane a Amaziah go Azariah, tama daane a Azariah go Jotham,

2 Kings 14:21

Gai dangada alodahi i Judah ga hai Azariah gi suuia dono damana go Amaziah gi hodooligi ai, gai ia gu madaangahulu ma ono ono ngadau i de masavaa laa.

2 Chronicles 25:28

Gai gilaadeu ne hagaahe mai ia i honga denga hoosa, ga danu madali ono dubuna i de aduhale o David.

2 Chronicles 26:2

Gai go ia ne hagaduulia age Eloth ga hagaahe ange gi de nohoanga hodooligi o Judah i dua de magau o Amaziah bei ono dubuna.

Isaiah 1:1

De midi hagaago ange a Isaiah tama daane a Amoz, i dagodo o Judah ma Jerusalem, go de midi aana ne gidee laa i de masavaa o Uzziah, ma Jotham, ma Ahaz, aama Hezekiah e hodooligi ai i Judah.

Hosea 1:1

Tagi Maolunga ne hagailoo ange ana muna gi Hosea, tama daane a Beeri, i de masavaa o Uzziah, ma Jotham, ma Ahaz, aama Hezekiah e hodooligi ai i Judah, ma de masavaa o Jeroboam, tama daane a Jehoash, e hodooligi ai i Israel.

Amos 1:1

Muna a Amos, dahi daane hagaloosi ssiibi o Tekoa — go ana midi hagaago ange ne gidee i dagodo o Israel, i e lua ngadau i mua de ngalungalue o de henua, i de masavaa o Uzziah e hodooligi ai i Judah, gai Jeroboam tama daane a Jehoash e hodooligi ai i Israel.

2 Kings 14:1

Gai de lua ngadau huu o Jehoash, tama daane a Joahaz ne hodooligi ai i Israel, gai Amaziah, tama daane a Joash, de hodooligi o Judah gu dae ange ga hodooligi.